2. дуччаритасуттам̣

108. ‘‘тайоме, бхиккхаве, дхамма̄. катаме тайо? ка̄йадуччаритам̣, вачӣдуччаритам̣, манодуччаритам̣. име кхо, бхиккхаве, тайо дхамма̄. имесам̣ кхо, бхиккхаве, тин̣н̣ам̣ дхамма̄нам̣ паха̄на̄йа тайо дхамма̄ бха̄ветабба̄. катаме тайо? ка̄йадуччаритасса паха̄на̄йа ка̄йасучаритам̣ бха̄ветаббам̣, вачӣдуччаритасса паха̄на̄йа вачӣсучаритам̣ бха̄ветаббам̣, манодуччаритасса паха̄на̄йа маносучаритам̣ бха̄ветаббам̣. имесам̣ кхо, бхиккхаве, тин̣н̣ам̣ дхамма̄нам̣ паха̄на̄йа име тайо дхамма̄ бха̄ветабба̄’’ти. дутийам̣.