8. маччхабандхасуттам̣

18. екам̣ самайам̣ бхагава̄ косалесу ча̄рикам̣ чарати махата̄ бхиккхусан̇гхена саддхим̣. аддаса̄ кхо бхагава̄ аддха̄намаггаппат̣ипанно ан̃н̃атарасмим̣ падесе маччхикам̣ маччхабандхам̣ маччхе вадхитва̄ вадхитва̄ виккин̣ама̄нам̣. дисва̄ магга̄ оккамма ан̃н̃атарасмим̣ руккхамӯле пан̃н̃атте а̄сане нисӣди. нисаджджа кхо бхагава̄ бхиккхӯ а̄мантеси – ‘‘пассатха но тумхе, бхиккхаве, амум̣ маччхикам̣ маччхабандхам̣ маччхе вадхитва̄ вадхитва̄ виккин̣ама̄на’’нти? ‘‘евам̣, бханте’’.

‘‘там̣ ким̣ ман̃н̃атха, бхиккхаве, апи ну тумхехи дит̣т̣хам̣ ва̄ сутам̣ ва̄ – ‘маччхико маччхабандхо маччхе вадхитва̄ вадхитва̄ виккин̣ама̄но тена каммена тена а̄джӣвена хаттхийа̄йӣ ва̄ ассайа̄йӣ ва̄ ратхайа̄йӣ ва̄ йа̄найа̄йӣ ва̄ бхогабхогӣ ва̄ махантам̣ ва̄ бхогаккхандхам̣ аджджха̄васанто’’’ти? ‘‘но хетам̣, бханте’’. ‘‘са̄дху, бхиккхаве! майа̄пи кхо етам̣, бхиккхаве, нева дит̣т̣хам̣ на сутам̣ – ‘маччхико маччхабандхо маччхе вадхитва̄ вадхитва̄ виккин̣ама̄но тена каммена тена а̄джӣвена хаттхийа̄йӣ ва̄ ассайа̄йӣ ва̄ ратхайа̄йӣ ва̄ йа̄найа̄йӣ ва̄ бхогабхогӣ ва̄ махантам̣ ва̄ бхогаккхандхам̣ аджджха̄васанто’ти. там̣ кисса хету? те хи со, бхиккхаве, маччхе ваджджхе вадха̄йупанӣте [вадха̄йа̄нӣте (сйа̄. кам̣.), вадха̄йа нӣте (ка.)] па̄пакена манаса̄нупеккхати, тасма̄ со нева хаттхийа̄йӣ хоти на ассайа̄йӣ на ратхайа̄йӣ на йа̄найа̄йӣ на бхогабхогӣ, на махантам̣ бхогаккхандхам̣ аджджха̄васати.

‘‘там̣ ким̣ ман̃н̃атха, бхиккхаве, апи ну тумхехи дит̣т̣хам̣ ва̄ сутам̣ ва̄ – ‘гогха̄тако га̄во вадхитва̄ вадхитва̄ виккин̣ама̄но тена каммена тена а̄джӣвена хаттхийа̄йӣ ва̄ ассайа̄йӣ ва̄ ратхайа̄йӣ ва̄ йа̄найа̄йӣ ва̄ бхогабхогӣ ва̄ махантам̣ ва̄ бхогаккхандхам̣ аджджха̄васанто’’’ти? ‘‘но хетам̣, бханте’’. ‘‘са̄дху, бхиккхаве! майа̄пи кхо етам̣, бхиккхаве, нева дит̣т̣хам̣ на сутам̣ – ‘гогха̄тако га̄во вадхитва̄ вадхитва̄ виккин̣ама̄но тена каммена тена а̄джӣвена хаттхийа̄йӣ ва̄ ассайа̄йӣ ва̄ ратхайа̄йӣ ва̄ йа̄найа̄йӣ ва̄ бхогабхогӣ ва̄ махантам̣ ва̄ бхогаккхандхам̣ аджджха̄васанто’ти. там̣ кисса хету? те хи со, бхиккхаве, га̄во ваджджхе вадха̄йупанӣте па̄пакена манаса̄нупеккхати, тасма̄ со нева хаттхийа̄йӣ хоти на ассайа̄йӣ на ратхайа̄йӣ на йа̄найа̄йӣ на бхогабхогӣ, на махантам̣ бхогаккхандхам̣ аджджха̄васати’’.

‘‘там̣ ким̣ ман̃н̃атха, бхиккхаве, апи ну тумхехи дит̣т̣хам̣ ва̄ сутам̣ ва̄ – ‘ораббхико…пе… сӯкарико [сокарико (сйа̄.)] …пе… са̄кун̣ико…пе… ма̄гавико маге [миге (сйа̄. кам̣.)] вадхитва̄ вадхитва̄ виккин̣ама̄но тена каммена тена а̄джӣвена хаттхийа̄йӣ ва̄ ассайа̄йӣ ва̄ ратхайа̄йӣ ва̄ йа̄найа̄йӣ ва̄ бхогабхогӣ ва̄ махантам̣ ва̄ бхогаккхандхам̣ аджджха̄васанто’’’ти? ‘‘но хетам̣, бханте’’. ‘‘са̄дху, бхиккхаве! майа̄пи кхо етам̣, бхиккхаве, нева дит̣т̣хам̣ на сутам̣ – ‘ма̄гавико маге вадхитва̄ вадхитва̄ виккин̣ама̄но тена каммена тена а̄джӣвена хаттхийа̄йӣ ва̄ ассайа̄йӣ ва̄ ратхайа̄йӣ ва̄ йа̄найа̄йӣ ва̄ бхогабхогӣ ва̄ махантам̣ ва̄ бхогаккхандхам̣ аджджха̄васанто’ти. там̣ кисса хету? те хи со, бхиккхаве, маге ваджджхе вадха̄йупанӣте па̄пакена манаса̄нупеккхати, тасма̄ со нева хаттхийа̄йӣ хоти на ассайа̄йӣ на ратхайа̄йӣ на йа̄найа̄йӣ на бхогабхогӣ, на махантам̣ бхогаккхандхам̣ аджджха̄васати. те хи (на̄ма) [( ) бахӯсу наттхи] со, бхиккхаве, тираччха̄нагате па̄н̣е ваджджхе вадха̄йупанӣте па̄пакена манаса̄нупеккхама̄но [манаса̄нупеккхати, тасма̄ со (сйа̄. ка.)] нева хаттхийа̄йӣ бхависсати [хоти (сйа̄. ка.)] на ассайа̄йӣ на ратхайа̄йӣ на йа̄найа̄йӣ на бхогабхогӣ, на махантам̣ бхогаккхандхам̣ аджджха̄васиссати [аджджха̄васати (сйа̄. ка.)]. ко пана ва̄до йам̣ мануссабхӯтам̣ ваджджхам̣ вадха̄йупанӣтам̣ па̄пакена манаса̄нупеккхати! тан̃хи тасса [там̣ хисса (пӣ. ка.)], бхиккхаве, хоти дӣгхараттам̣ ахита̄йа дуккха̄йа. ка̄йасса бхеда̄ парам̣ маран̣а̄ апа̄йам̣ дуггатим̣ винипа̄там̣ нирайам̣ упападжджатӣ’’ти. ат̣т̣хамам̣.