7. татийаа̄джа̄нӣйасуттам̣

7. ‘‘чхахи, бхиккхаве, ан̇гехи саманна̄гато ран̃н̃о бхадро асса̄джа̄нӣйо ра̄джа̄рахо хоти ра̄джабхогго, ран̃н̃о ан̇гантвева сан̇кхам̣ гаччхати. катамехи чхахи? идха, бхиккхаве, ран̃н̃о бхадро асса̄джа̄нӣйо кхамо хоти рӯпа̄нам̣, кхамо садда̄нам̣, кхамо гандха̄нам̣, кхамо раса̄нам̣, кхамо пхот̣т̣хабба̄нам̣, джавасампанно ча хоти. имехи кхо, бхиккхаве, чхахи ан̇гехи саманна̄гато ран̃н̃о бхадро асса̄джа̄нӣйо ра̄джа̄рахо хоти ра̄джабхогго, ран̃н̃о ан̇гантвева сан̇кхам̣ гаччхати.

‘‘евамевам̣ кхо, бхиккхаве, чхахи дхаммехи саманна̄гато бхиккху а̄хунеййо хоти…пе… ануттарам̣ пун̃н̃аккхеттам̣ локасса. катамехи чхахи? идха, бхиккхаве, бхиккху кхамо хоти рӯпа̄нам̣…пе… кхамо дхамма̄нам̣. имехи кхо, бхиккхаве, чхахи дхаммехи саманна̄гато бхиккху а̄хунеййо хоти…пе… ануттарам̣ пун̃н̃аккхеттам̣ локасса̄’’ти. саттамам̣.