3. ра̄гапеййа̄лам̣

303. ‘‘ра̄гасса, бхиккхаве, абхин̃н̃а̄йа пан̃ча дхамма̄ бха̄ветабба̄. катаме пан̃ча? асубхасан̃н̃а̄, маран̣асан̃н̃а̄, а̄дӣнавасан̃н̃а̄, а̄ха̄ре пат̣икӯласан̃н̃а̄, саббалоке анабхиратасан̃н̃а̄ [саббаттхапи евамева диссати] – ра̄гасса, бхиккхаве, абхин̃н̃а̄йа име пан̃ча дхамма̄ бха̄ветабба̄’’ти.

304. ‘‘ра̄гасса, бхиккхаве, абхин̃н̃а̄йа пан̃ча дхамма̄ бха̄ветабба̄. катаме пан̃ча? аниччасан̃н̃а̄, анаттасан̃н̃а̄, маран̣асан̃н̃а̄, а̄ха̄ре пат̣икӯласан̃н̃а̄, саббалоке анабхиратасан̃н̃а̄ – ра̄гасса, бхиккхаве, абхин̃н̃а̄йа име пан̃ча дхамма̄ бха̄ветабба̄’’ти.

305. ‘‘ра̄гасса, бхиккхаве, абхин̃н̃а̄йа пан̃ча дхамма̄ бха̄ветабба̄. катаме пан̃ча? аниччасан̃н̃а̄, аничче дуккхасан̃н̃а̄, дуккхе анаттасан̃н̃а̄, паха̄насан̃н̃а̄, вира̄гасан̃н̃а̄ – ра̄гасса, бхиккхаве, абхин̃н̃а̄йа име пан̃ча дхамма̄ бха̄ветабба̄’’ти.

306. ‘‘ра̄гасса, бхиккхаве, абхин̃н̃а̄йа пан̃ча дхамма̄ бха̄ветабба̄. катаме пан̃ча? саддхиндрийам̣, вӣрийиндрийам̣, сатиндрийам̣, сама̄дхиндрийам̣, пан̃н̃индрийам̣ – ра̄гасса, бхиккхаве, абхин̃н̃а̄йа име пан̃ча дхамма̄ бха̄ветабба̄’’ти.

307. ‘‘ра̄гасса, бхиккхаве, абхин̃н̃а̄йа пан̃ча дхамма̄ бха̄ветабба̄. катаме пан̃ча? саддха̄балам̣, вӣрийабалам̣, сатибалам̣, сама̄дхибалам̣, пан̃н̃а̄балам̣ – ра̄гасса, бхиккхаве, абхин̃н̃а̄йа име пан̃ча дхамма̄ бха̄ветабба̄’’ти.

308-1151. ‘‘ра̄гасса, бхиккхаве, парин̃н̃а̄йа… париккхайа̄йа… паха̄на̄йа… кхайа̄йа… вайа̄йа… вира̄га̄йа… ниродха̄йа… ча̄га̄йа… пат̣иниссагга̄йа пан̃ча дхамма̄ бха̄ветабба̄. досасса… мохасса… кодхасса… упана̄хасса… маккхасса… пал̣а̄сасса… исса̄йа… маччхарийасса… ма̄йа̄йа… са̄т̣хеййасса… тхамбхасса… са̄рамбхасса… ма̄насса… атима̄насса … мадасса… пама̄дасса абхин̃н̃а̄йа… парин̃н̃а̄йа… париккхайа̄йа… паха̄на̄йа… кхайа̄йа… вайа̄йа… вира̄га̄йа… ниродха̄йа… ча̄га̄йа… пат̣иниссагга̄йа пан̃ча дхамма̄ бха̄ветабба̄.

‘‘катаме пан̃ча? саддха̄балам̣, вӣрийабалам̣, сатибалам̣, сама̄дхибалам̣, пан̃н̃а̄балам̣ – пама̄дасса, бхиккхаве, пат̣иниссагга̄йа име пан̃ча дхамма̄ бха̄ветабба̄’’ти.

ра̄гапеййа̄лам̣ нит̣т̣хитам̣.