7. иссукинӣсуттам̣

117. ‘‘пан̃чахи, бхиккхаве, дхаммехи саманна̄гата̄ бхиккхунӣ йатха̄бхатам̣ никкхитта̄ евам̣ нирайе. катамехи пан̃чахи? ананувичча апарийога̄хетва̄ аван̣н̣а̄рахасса ван̣н̣ам̣ бха̄сати, ананувичча апарийога̄хетва̄ ван̣н̣а̄рахасса аван̣н̣ам̣ бха̄сати, иссукинӣ ча хоти, маччхаринӣ ча, саддха̄деййам̣ [саддха̄деййан̃ча (сйа̄.)] винипа̄тети. имехи кхо, бхиккхаве, пан̃чахи дхаммехи саманна̄гата̄ бхиккхунӣ йатха̄бхатам̣ никкхитта̄ евам̣ нирайе.

‘‘пан̃чахи, бхиккхаве, дхаммехи саманна̄гата̄ бхиккхунӣ йатха̄бхатам̣ никкхитта̄ евам̣ сагге. катамехи пан̃чахи? анувичча парийога̄хетва̄ аван̣н̣а̄рахасса аван̣н̣ам̣ бха̄сати, анувичча парийога̄хетва̄ ван̣н̣а̄рахасса ван̣н̣ам̣ бха̄сати, аниссукинӣ ча хоти, амаччхаринӣ ча, саддха̄деййам̣ на винипа̄тети. имехи кхо, бхиккхаве, пан̃чахи дхаммехи саманна̄гата̄ бхиккхунӣ йатха̄бхатам̣ никкхитта̄ евам̣ сагге’’ти. саттамам̣.