5. маччхаринӣсуттам̣

115. ‘‘пан̃чахи, бхиккхаве, дхаммехи саманна̄гата̄ бхиккхунӣ йатха̄бхатам̣ никкхитта̄ евам̣ нирайе. катамехи пан̃чахи? а̄ва̄самаччхаринӣ хоти, куламаччхаринӣ хоти, ла̄бхамаччхаринӣ хоти, ван̣н̣амаччхаринӣ хоти, дхаммамаччхаринӣ хоти. имехи кхо, бхиккхаве, пан̃чахи дхаммехи саманна̄гата̄ бхиккхунӣ йатха̄бхатам̣ никкхитта̄ евам̣ нирайе.

‘‘пан̃чахи, бхиккхаве, дхаммехи саманна̄гата̄ бхиккхунӣ йатха̄бхатам̣ никкхитта̄ евам̣ сагге. катамехи пан̃чахи? на а̄ва̄самаччхаринӣ хоти, на куламаччхаринӣ хоти, на ла̄бхамаччхаринӣ хоти, на ван̣н̣амаччхаринӣ хоти, на дхаммамаччхаринӣ хоти. имехи кхо, бхиккхаве, пан̃чахи дхаммехи саманна̄гата̄ бхиккхунӣ йатха̄бхатам̣ никкхитта̄ евам̣ сагге’’ти. пан̃чамам̣.