2. уссан̇китасуттам̣

102. ‘‘пан̃чахи, бхиккхаве, дхаммехи саманна̄гато бхиккху уссан̇китапарисан̇кито хоти па̄пабхиккхӯти апи акуппадхаммопи [апи акуппадхаммо (сӣ. сйа̄. кам̣.)].

катамехи пан̃чахи? идха, бхиккхаве, бхиккху весийа̄гочаро ва̄ хоти, видхава̄гочаро ва̄ хоти, тхуллакума̄рика̄гочаро ва̄ хоти, пан̣д̣акагочаро ва̄ хоти, бхиккхунӣгочаро ва̄ хоти.

‘‘имехи кхо, бхиккхаве, пан̃чахи дхаммехи саманна̄гато бхиккху уссан̇китапарисан̇кито хоти па̄пабхиккхӯти апи акуппадхаммопӣ’’ти. дутийам̣.