10. аран̃н̃асуттам̣

110. ‘‘пан̃чахи, бхиккхаве, дхаммехи саманна̄гато бхиккху алам̣ аран̃н̃аванапаттха̄ни панта̄ни сена̄сана̄ни пат̣исевитум̣. катамехи пан̃чахи? идха, бхиккхаве, бхиккху сӣлава̄ хоти…пе… сама̄да̄йа сиккхати сиккха̄падесу; бахуссуто хоти…пе… дит̣т̣хийа̄ суппат̣ивиддха̄; а̄раддхавӣрийо вихарати тха̄мава̄ дал̣хапараккамо аниккхиттадхуро кусалесу дхаммесу; чатуннам̣ джха̄на̄нам̣ а̄бхичетасика̄нам̣ дит̣т̣хадхаммасукхавиха̄ра̄нам̣ ника̄мала̄бхӣ хоти акиччхала̄бхӣ акасирала̄бхӣ; а̄сава̄нам̣ кхайа̄ ана̄савам̣ четовимуттим̣ пан̃н̃а̄вимуттим̣ дит̣т̣хева дхамме сайам̣ абхин̃н̃а̄ саччхикатва̄ упасампаджджа вихарати. имехи кхо, бхиккхаве, пан̃чахи дхаммехи саманна̄гато бхиккху алам̣ аран̃н̃аванапаттха̄ни панта̄ни сена̄сана̄ни пат̣исевиту’’нти. дасамам̣.

пха̄сувиха̄равагго пат̣хамо.