5. аккхамасуттам̣

85. ‘‘пан̃чахи, бхиккхаве, дхаммехи саманна̄гато тхеро бхиккху сабрахмача̄рӣнам̣ аппийо ча хоти амана̄по ча агару ча абха̄ванӣйо ча. катамехи пан̃чахи? аккхамо хоти рӯпа̄нам̣, аккхамо садда̄нам̣, аккхамо гандха̄нам̣, аккхамо раса̄нам̣, аккхамо пхот̣т̣хабба̄нам̣ – имехи кхо, бхиккхаве, пан̃чахи дхаммехи саманна̄гато тхеро бхиккху сабрахмача̄рӣнам̣ аппийо ча хоти амана̄по ча агару ча абха̄ванӣйо ча.

‘‘пан̃чахи, бхиккхаве, дхаммехи саманна̄гато тхеро бхиккху сабрахмача̄рӣнам̣ пийо ча хоти мана̄по ча гару ча бха̄ванӣйо ча. катамехи пан̃чахи? кхамо хоти рӯпа̄нам̣, кхамо садда̄нам̣, кхамо гандха̄нам̣, кхамо раса̄нам̣, кхамо пхот̣т̣хабба̄нам̣ – имехи кхо, бхиккхаве, пан̃чахи дхаммехи саманна̄гато тхеро бхиккху сабрахмача̄рӣнам̣ пийо ча хоти мана̄по ча гару ча бха̄ванӣйо ча̄’’ти. пан̃чамам̣.