10. чатуттхаана̄гатабхайасуттам̣

80. ‘‘пан̃чима̄ни, бхиккхаве, ана̄гатабхайа̄ни етарахи асамуппанна̄ни а̄йатим̣ самуппаджджиссанти. та̄ни во пат̣ибуджджхитабба̄ни; пат̣ибуджджхитва̄ ча тесам̣ паха̄на̄йа ва̄йамитаббам̣.

‘‘катама̄ни пан̃ча? бхависсанти, бхиккхаве, бхиккхӯ ана̄гатамаддха̄нам̣ чӣваре калйа̄н̣ака̄ма̄. те чӣваре калйа̄н̣ака̄ма̄ сама̄на̄ рин̃чиссанти пам̣сукӯликаттам̣, рин̃чиссанти аран̃н̃аванапаттха̄ни панта̄ни сена̄сана̄ни; га̄манигамара̄джадха̄нӣсу осаритва̄ ва̄сам̣ каппессанти, чӣварахету ча анекавихитам̣ анесанам̣ аппатирӯпам̣ а̄паджджиссанти. идам̣, бхиккхаве, пат̣хамам̣ ана̄гатабхайам̣ етарахи асамуппаннам̣ а̄йатим̣ самуппаджджиссати. там̣ во пат̣ибуджджхитаббам̣; пат̣ибуджджхитва̄ ча тасса паха̄на̄йа ва̄йамитаббам̣.

‘‘пуна чапарам̣, бхиккхаве, бхависсанти бхиккхӯ ана̄гатамаддха̄нам̣ пин̣д̣апа̄те калйа̄н̣ака̄ма̄. те пин̣д̣апа̄те калйа̄н̣ака̄ма̄ сама̄на̄ рин̃чиссанти пин̣д̣апа̄тикаттам̣, рин̃чиссанти аран̃н̃аванапаттха̄ни панта̄ни сена̄сана̄ни; га̄манигамара̄джадха̄нӣсу осаритва̄ ва̄сам̣ каппессанти дживхаггена расагга̄ни парийесама̄на̄, пин̣д̣апа̄тахету ча анекавихитам̣ анесанам̣ аппатирӯпам̣ а̄паджджиссанти. идам̣, бхиккхаве, дутийам̣ ана̄гатабхайам̣ етарахи асамуппаннам̣ а̄йатим̣ самуппаджджиссати. там̣ во пат̣ибуджджхитаббам̣; пат̣ибуджджхитва̄ ча тасса паха̄на̄йа ва̄йамитаббам̣.

‘‘пуна чапарам̣, бхиккхаве, бхависсанти бхиккхӯ ана̄гатамаддха̄нам̣ сена̄сане калйа̄н̣ака̄ма̄. те сена̄сане калйа̄н̣ака̄ма̄ сама̄на̄ рин̃чиссанти руккхамӯликаттам̣ [а̄ран̃н̃акаттам̣ (сйа̄. кам̣.)], рин̃чиссанти аран̃н̃аванапаттха̄ни панта̄ни сена̄сана̄ни; га̄манигамара̄джадха̄нӣсу осаритва̄ ва̄сам̣ каппессанти, сена̄санахету ча анекавихитам̣ анесанам̣ аппатирӯпам̣ а̄паджджиссанти. идам̣, бхиккхаве, татийам̣ ана̄гатабхайам̣ етарахи асамуппаннам̣ а̄йатим̣ самуппаджджиссати. там̣ во пат̣ибуджджхитаббам̣; пат̣ибуджджхитва̄ ча тасса паха̄на̄йа ва̄йамитаббам̣.

‘‘пуна чапарам̣, бхиккхаве, бхависсанти бхиккхӯ ана̄гатамаддха̄нам̣ бхиккхунӣсиккхама̄на̄саман̣уддесехи сам̣сат̣т̣ха̄ вихариссанти. бхиккхунӣсиккхама̄на̄саман̣уддесехи сам̣сагге кхо пана, бхиккхаве, сати етам̣ па̄т̣икан̇кхам̣ – ‘анабхирата̄ ва̄ брахмачарийам̣ чариссанти, ан̃н̃атарам̣ ва̄ сам̣килит̣т̣хам̣ а̄паттим̣ а̄паджджиссанти, сиккхам̣ ва̄ паччаккха̄йа хӣна̄йа̄ваттиссанти’. идам̣, бхиккхаве, чатуттхам̣ ана̄гатабхайам̣ етарахи асамуппаннам̣ а̄йатим̣ самуппаджджиссати. там̣ во пат̣ибуджджхитаббам̣; пат̣ибуджджхитва̄ ча тасса паха̄на̄йа ва̄йамитаббам̣.

‘‘пуна чапарам̣, бхиккхаве, бхависсанти бхиккхӯ ана̄гатамаддха̄нам̣ а̄ра̄микасаман̣уддесехи сам̣сат̣т̣ха̄ вихариссанти. а̄ра̄микасаман̣уддесехи сам̣сагге кхо пана, бхиккхаве, сати етам̣ па̄т̣икан̇кхам̣ – ‘анекавихитам̣ саннидхика̄рапарибхогам̣ ануйутта̄ вихариссанти, ол̣а̄рикампи нимиттам̣ кариссанти, патхавийа̄пи харитаггепи’. идам̣, бхиккхаве, пан̃чамам̣ ана̄гатабхайам̣ етарахи асамуппаннам̣ а̄йатим̣ самуппаджджиссати. там̣ во пат̣ибуджджхитаббам̣; пат̣ибуджджхитва̄ ча тасса паха̄на̄йа ва̄йамитаббам̣.

‘‘има̄ни кхо, бхиккхаве, пан̃ча ана̄гатабхайа̄ни етарахи асамуппанна̄ни а̄йатим̣ самуппаджджиссанти. та̄ни во пат̣ибуджджхитабба̄ни; пат̣ибуджджхитва̄ ча тесам̣ паха̄на̄йа ва̄йамитабба’’нти. дасамам̣.

йодха̄джӣвавагго татийо.