8. дутийаиддхипа̄дасуттам̣

68. ‘‘пуббева̄хам̣, бхиккхаве, самбодха̄ анабхисамбуддхо бодхисаттова сама̄но пан̃ча дхамме бха̄весим̣, пан̃ча дхамме бахулӣка̄сим̣ [бахулимака̄сим̣ (ка.), бахуламака̄сим̣ (ка.)]. катаме пан̃ча? чхандасама̄дхипадха̄насан̇кха̄расаманна̄гатам̣ иддхипа̄дам̣ бха̄весим̣, вӣрийасама̄дхи… читтасама̄дхи… вӣмам̣са̄сама̄дхипадха̄насан̇кха̄расаманна̄гатам̣ иддхипа̄дам̣ бха̄весим̣, уссол̣хин̃н̃ева пан̃чамим̣. со кхо ахам̣, бхиккхаве, имесам̣ уссол̣хипан̃чама̄нам̣ дхамма̄нам̣ бха̄витатта̄ бахулӣкататта̄ йасса йасса абхин̃н̃а̄саччхикаран̣ӣйасса дхаммасса читтам̣ абхининна̄месим̣ абхин̃н̃а̄саччхикирийа̄йа, татра татрева саккхибхаббатам̣ па̄пун̣им̣ сати сати а̄йатане.

‘‘со саче а̄кан̇кхим̣ – ‘анекавихитам̣ иддхивидхам̣ паччанубхавеййам̣…пе… йа̄ва брахмалока̄пи ка̄йена васам̣ ваттеййа’нти, татра татрева саккхибхаббатам̣ па̄пун̣им̣ сати сати а̄йатане.

‘‘со саче а̄кан̇кхим̣…пе… ‘а̄сава̄нам̣ кхайа̄ ана̄савам̣ четовимуттим̣ пан̃н̃а̄вимуттим̣ дит̣т̣хева дхамме сайам̣ абхин̃н̃а̄ саччхикатва̄ упасампаджджа вихареййа’нти, татра татрева саккхибхаббатам̣ па̄пун̣им̣ сати сати а̄йатане’’ти. ат̣т̣хамам̣.