7. пат̣хамаиддхипа̄дасуттам̣

67. ‘‘йо хи кочи, бхиккхаве, бхиккху ва̄ бхиккхунӣ ва̄ пан̃ча дхамме [име пан̃ча дхамме (ка.)] бха̄вети, пан̃ча дхамме [име пан̃ча дхамме (ка.)] бахулӣкароти, тасса двиннам̣ пхала̄нам̣ ан̃н̃атарам̣ пхалам̣ па̄т̣икан̇кхам̣ – дит̣т̣хева дхамме ан̃н̃а̄, сати ва̄ упа̄дисесе ана̄га̄мита̄.

‘‘катаме пан̃ча? идха, бхиккхаве, бхиккху чхандасама̄дхипадха̄насан̇кха̄расаманна̄гатам̣ иддхипа̄дам̣ бха̄вети, вӣрийасама̄дхи…пе… читтасама̄дхи… вӣмам̣са̄сама̄дхипадха̄насан̇кха̄расаманна̄гатам̣ иддхипа̄дам̣ бха̄вети, уссол̣хин̃н̃ева пан̃чамим̣ [уссол̣хӣйева пан̃чамӣ (сӣ.)]. йо хи кочи, бхиккхаве, бхиккху ва̄ бхиккхунӣ ва̄ име пан̃ча дхамме бха̄вети, име пан̃ча дхамме бахулӣкароти, тасса двиннам̣ пхала̄нам̣ ан̃н̃атарам̣ пхалам̣ па̄т̣икан̇кхам̣ – дит̣т̣хева дхамме ан̃н̃а̄, сати ва̄ упа̄дисесе ана̄га̄мита̄’’ти. саттамам̣.