1. пат̣хамаага̄равасуттам̣

21. ‘‘со вата, бхиккхаве, бхиккху ага̄раво аппатиссо асабха̄гавуттико ‘сабрахмача̄рӣсу а̄бхисама̄ча̄рикам̣ дхаммам̣ парипӯрессатӣ’ти нетам̣ т̣ха̄нам̣ виджджати. ‘а̄бхисама̄ча̄рикам̣ дхаммам̣ апарипӯретва̄ секхам̣ [секкхам̣ (ка.)] дхаммам̣ парипӯрессатӣ’ти нетам̣ т̣ха̄нам̣ виджджати. ‘секхам̣ дхаммам̣ апарипӯретва̄ сӣла̄ни парипӯрессатӣ’ти нетам̣ т̣ха̄нам̣ виджджати. ‘сӣла̄ни апарипӯретва̄ самма̄дит̣т̣хим̣ парипӯрессатӣ’ти нетам̣ т̣ха̄нам̣ виджджати. ‘самма̄дит̣т̣хим̣ апарипӯретва̄ самма̄сама̄дхим̣ парипӯрессатӣ’ти нетам̣ т̣ха̄нам̣ виджджати.

‘‘со вата, бхиккхаве, бхиккху сага̄раво саппатиссо сабха̄гавуттико ‘сабрахмача̄рӣсу а̄бхисама̄ча̄рикам̣ дхаммам̣ парипӯрессатӣ’ти т̣ха̄наметам̣ виджджати. ‘а̄бхисама̄ча̄рикам̣ дхаммам̣ парипӯретва̄ секхам̣ дхаммам̣ парипӯрессатӣ’ти т̣ха̄наметам̣ виджджати. ‘секхам̣ дхаммам̣ парипӯретва̄ сӣла̄ни парипӯрессатӣ’ти т̣ха̄наметам̣ виджджати. ‘сӣла̄ни парипӯретва̄ самма̄дит̣т̣хим̣ парипӯрессатӣ’ти т̣ха̄наметам̣ виджджати. ‘самма̄дит̣т̣хим̣ парипӯретва̄ самма̄сама̄дхим̣ парипӯрессатӣ’ти т̣ха̄наметам̣ виджджатӣ’’ти. пат̣хамам̣.