6. дутийасамаджӣвӣсуттам̣

56. ‘‘а̄кан̇кхеййум̣ че, бхиккхаве, убхо джа̄нипатайо дит̣т̣хе чева дхамме ан̃н̃аман̃н̃ам̣ пасситум̣ абхисампара̄йан̃ча ан̃н̃аман̃н̃ам̣ пасситум̣ убхова ассу самасаддха̄ самасӣла̄ самача̄га̄ самапан̃н̃а̄, те дит̣т̣хе чева дхамме ан̃н̃аман̃н̃ам̣ пассанти абхисампара̄йан̃ча ан̃н̃аман̃н̃ам̣ пассантӣ’’ти.

‘‘убхо саддха̄ вадан̃н̃ӯ ча, сан̃н̃ата̄ дхаммаджӣвино;

те хонти джа̄нипатайо, ан̃н̃аман̃н̃ам̣ пийам̣вада̄.

‘‘аттха̄сам̣ пачура̄ хонти, пха̄сукам̣ упаджа̄йати;

амитта̄ думмана̄ хонти, убхиннам̣ самасӣлинам̣.

‘‘идха дхаммам̣ чаритва̄на, самасӣлаббата̄ убхо;

нандино девалокасмим̣, моданти ка̄мака̄мино’’ти. чхат̣т̣хам̣;