10. пуббан̣хасуттам̣

156. ‘‘йе, бхиккхаве, сатта̄ пуббан̣хасамайам̣ ка̄йена сучаритам̣ чаранти, ва̄ча̄йа сучаритам̣ чаранти, манаса̄ сучаритам̣ чаранти, супуббан̣хо, бхиккхаве, тесам̣ сатта̄нам̣.

‘‘йе, бхиккхаве, сатта̄ маджджханхикасамайам̣ ка̄йена сучаритам̣ чаранти, ва̄ча̄йа сучаритам̣ чаранти, манаса̄ сучаритам̣ чаранти, сумаджджханхико, бхиккхаве, тесам̣ сатта̄нам̣.

‘‘йе, бхиккхаве, сатта̄ са̄йанхасамайам̣ ка̄йена сучаритам̣ чаранти, ва̄ча̄йа сучаритам̣ чаранти, манаса̄ сучаритам̣ чаранти, суса̄йанхо, бхиккхаве, тесам̣ сатта̄на’’нти.

‘‘сунаккхаттам̣ суман̇галам̣, суппабха̄там̣ сухут̣т̣хитам̣ [сувут̣т̣хитам̣ (сӣ. пӣ.)];

сукхан̣о сумухутто ча, суйит̣т̣хам̣ брахмача̄рису.

‘‘падаккхин̣ам̣ ка̄йакаммам̣, ва̄ча̄каммам̣ падаккхин̣ам̣;

падаккхин̣ам̣ манокаммам̣, пан̣ӣдхи те падаккхин̣е [пан̣идхийо падаккхин̣а̄ (сӣ. пӣ.), пан̣идхи те падаккхин̣а̄ (сйа̄. кам̣.)];

падаккхин̣а̄ни катва̄на, лабхантаттхе [лабхататтхе (сӣ. пӣ.)] падаккхин̣е.

‘‘те аттхаладдха̄ сукхита̄, вирул̣ха̄ буддхаса̄сане;

арога̄ сукхита̄ хотха, саха саббехи н̃а̄тибхӣ’’ти. дасамам̣;

ман̇галавагго пан̃чамо.