11. пат̣хамаморанива̄пасуттам̣

144. екам̣ самайам̣ бхагава̄ ра̄джагахе вихарати моранива̄пе парибба̄джака̄ра̄ме. татра кхо бхагава̄ бхиккхӯ а̄мантеси – ‘‘бхиккхаво’’ти. ‘‘бхаданте’’ти те бхиккхӯ бхагавато паччассосум̣. бхагава̄ етадавоча –

‘‘тӣхи, бхиккхаве, дхаммехи саманна̄гато бхиккху аччантанит̣т̣хо хоти аччантайогаккхемӣ аччантабрахмача̄рӣ аччантапарийоса̄но сет̣т̣хо деваманусса̄нам̣. катамехи тӣхи? асеккхена сӣлаккхандхена, асеккхена сама̄дхиккхандхена, асеккхена пан̃н̃а̄ккхандхена. имехи кхо, бхиккхаве, тӣхи дхаммехи саманна̄гато бхиккху аччантанит̣т̣хо хоти аччантайогаккхемӣ аччантабрахмача̄рӣ аччантапарийоса̄но сет̣т̣хо деваманусса̄на’’нти. ека̄дасамам̣.