(19) 4. арийамаггавагго

1. арийамаггасуттам̣

189. ‘‘арийамагган̃ча во, бхиккхаве, десесса̄ми анарийамагган̃ча. там̣ сун̣а̄тха…пе… катамо ча, бхиккхаве, анарийо магго? па̄н̣а̄типа̄то…пе… миччха̄дит̣т̣хи – айам̣ вуччати, бхиккхаве, анарийо магго.

‘‘катамо ча, бхиккхаве, арийо магго? па̄н̣а̄типа̄та̄ вераман̣ӣ…пе… самма̄дит̣т̣хи – айам̣ вуччати, бхиккхаве, арийо магго’’ти. пат̣хамам̣.

2. кан̣хамаггасуттам̣

190. ‘‘кан̣хамагган̃ча во, бхиккхаве, десесса̄ми суккамагган̃ча. там̣ сун̣а̄тха…пе… катамо ча, бхиккхаве, кан̣хо магго? па̄н̣а̄типа̄то…пе… миччха̄дит̣т̣хи – айам̣ вуччати, бхиккхаве, кан̣хо магго.

‘‘катамо ча, бхиккхаве, сукко магго? па̄н̣а̄типа̄та̄ вераман̣ӣ…пе… самма̄дит̣т̣хи – айам̣ вуччати, бхиккхаве, сукко магго’’ти. дутийам̣.

3. саддхаммасуттам̣

191. ‘‘саддхамман̃ча во, бхиккхаве, десесса̄ми асаддхамман̃ча. там̣ сун̣а̄тха…пе… катамо ча, бхиккхаве, асаддхаммо? па̄н̣а̄типа̄то…пе… миччха̄дит̣т̣хи – айам̣ вуччати, бхиккхаве, асаддхаммо.

‘‘катамо ча, бхиккхаве, саддхаммо? па̄н̣а̄типа̄та̄ вераман̣ӣ…пе… самма̄дит̣т̣хи – айам̣ вуччати, бхиккхаве, саддхаммо’’ти. татийам̣.

4. саппурисадхаммасуттам̣

192. ‘‘саппурисадхамман̃ча во, бхиккхаве, десесса̄ми асаппурисадхамман̃ча. там̣ сун̣а̄тха…пе… катамо ча, бхиккхаве, асаппурисадхаммо? па̄н̣а̄типа̄то…пе… миччха̄дит̣т̣хи – айам̣ вуччати, бхиккхаве, асаппурисадхаммо.

‘‘катамо ча, бхиккхаве, саппурисадхаммо? па̄н̣а̄типа̄та̄ вераман̣ӣ…пе… самма̄дит̣т̣хи – айам̣ вуччати, бхиккхаве, саппурисадхаммо’’ти. чатуттхам̣.

5. уппа̄детаббадхаммасуттам̣

193. ‘‘уппа̄детаббан̃ча во, бхиккхаве, дхаммам̣ десесса̄ми на уппа̄детаббан̃ча. там̣ сун̣а̄тха…пе… катамо ча, бхиккхаве, на уппа̄детаббо дхаммо? па̄н̣а̄типа̄то…пе… миччха̄дит̣т̣хи – айам̣ вуччати, бхиккхаве, на уппа̄детаббо дхаммо.

‘‘катамо ча, бхиккхаве, уппа̄детаббо дхаммо? па̄н̣а̄типа̄та̄ вераман̣ӣ…пе… самма̄дит̣т̣хи – айам̣ вуччати, бхиккхаве, уппа̄детаббо дхаммо’’ти. пан̃чамам̣.

6. а̄севитаббадхаммасуттам̣

194. ‘‘а̄севитаббан̃ча во, бхиккхаве, дхаммам̣ десесса̄ми на̄севитаббан̃ча. там̣ сун̣а̄тха…пе… катамо ча, бхиккхаве, на̄севитаббо дхаммо? па̄н̣а̄типа̄то…пе… миччха̄дит̣т̣хи – айам̣ вуччати, бхиккхаве, на̄севитаббо дхаммо.

‘‘катамо ча, бхиккхаве, а̄севитаббо дхаммо? па̄н̣а̄типа̄та̄ вераман̣ӣ…пе… самма̄дит̣т̣хи – айам̣ вуччати, бхиккхаве, а̄севитаббо дхаммо’’ти. чхат̣т̣хам̣.

7. бха̄ветаббадхаммасуттам̣

195. ‘‘бха̄ветаббан̃ча во, бхиккхаве, дхаммам̣ десесса̄ми на бха̄ветаббан̃ча. там̣ сун̣а̄тха…пе… катамо ча, бхиккхаве, на бха̄ветаббо дхаммо? па̄н̣а̄типа̄то …пе… миччха̄дит̣т̣хи – айам̣ вуччати, бхиккхаве, на бха̄ветаббо дхаммо.

‘‘катамо ча, бхиккхаве, бха̄ветаббо дхаммо? па̄н̣а̄типа̄та̄ вераман̣ӣ…пе… самма̄дит̣т̣хи – айам̣ вуччати, бхиккхаве, бха̄ветаббо дхаммо’’ти. саттамам̣.

8. бахулӣка̄таббасуттам̣

196. ‘‘бахулӣка̄таббан̃ча во, бхиккхаве, дхаммам̣ десесса̄ми на бахулӣка̄таббан̃ча. там̣ сун̣а̄тха…пе… катамо ча, бхиккхаве, на бахулӣка̄таббо дхаммо? па̄н̣а̄типа̄то…пе… миччха̄дит̣т̣хи – айам̣ вуччати, бхиккхаве, на бахулӣка̄таббо дхаммо.

‘‘катамо ча, бхиккхаве, бахулӣка̄таббо дхаммо? па̄н̣а̄типа̄та̄ вераман̣ӣ…пе… самма̄дит̣т̣хи – айам̣ вуччати, бхиккхаве, бахулӣка̄таббо дхаммо’’ти. ат̣т̣хамам̣.

9. ануссаритаббасуттам̣

197. ‘‘ануссаритаббан̃ча во, бхиккхаве, дхаммам̣ десесса̄ми на̄нуссаритаббан̃ча. там̣ сун̣а̄тха…пе… катамо ча, бхиккхаве, на̄нуссаритаббо дхаммо? па̄н̣а̄типа̄то…пе… миччха̄дит̣т̣хи – айам̣ вуччати, бхиккхаве, на̄нуссаритаббо дхаммо.

‘‘катамо ча, бхиккхаве, ануссаритаббо дхаммо? па̄н̣а̄типа̄та̄ вераман̣ӣ…пе… самма̄дит̣т̣хи – айам̣ вуччати, бхиккхаве, ануссаритаббо дхаммо’’ти. навамам̣.

10. саччхика̄таббасуттам̣

198. ‘‘саччхика̄таббан̃ча во, бхиккхаве, дхаммам̣ десесса̄ми на саччхика̄таббан̃ча. там̣ сун̣а̄тха…пе… катамо ча, бхиккхаве, на саччхика̄таббо дхаммо? па̄н̣а̄типа̄то…пе… миччха̄дит̣т̣хи – айам̣ вуччати, бхиккхаве, на саччхика̄таббо дхаммо.

‘‘катамо ча, бхиккхаве, саччхика̄таббо дхаммо? па̄н̣а̄типа̄та̄ вераман̣ӣ…пе… самма̄дит̣т̣хи – айам̣ вуччати, бхиккхаве, саччхика̄таббо дхаммо’’ти. дасамам̣.

арийамаггавагго чатуттхо.