8. камманида̄насуттам̣

174. ‘‘па̄н̣а̄типа̄тампа̄хам̣, бхиккхаве, тивидхам̣ вада̄ми – лобхахетукампи, досахетукампи, мохахетукампи.

‘‘адинна̄да̄нампа̄хам̣, бхиккхаве, тивидхам̣ вада̄ми – лобхахетукампи, досахетукампи, мохахетукампи.

‘‘ка̄месумиччха̄ча̄рампа̄хам̣, бхиккхаве, тивидхам̣ вада̄ми – лобхахетукампи, досахетукампи, мохахетукампи.

‘‘муса̄ва̄дампа̄хам̣, бхиккхаве, тивидхам̣ вада̄ми – лобхахетукампи, досахетукампи, мохахетукампи.

‘‘писун̣ава̄чампа̄хам̣, бхиккхаве, тивидхам̣ вада̄ми – лобхахетукампи, досахетукампи, мохахетукампи.

‘‘пхарусава̄чампа̄хам̣, бхиккхаве, тивидхам̣ вада̄ми – лобхахетукампи, досахетукампи, мохахетукампи.

‘‘сампхаппала̄пампа̄хам̣, бхиккхаве, тивидхам̣ вада̄ми – лобхахетукампи, досахетукампи, мохахетукампи.

‘‘абхиджджхампа̄хам̣, бхиккхаве, тивидхам̣ вада̄ми – лобхахетукампи, досахетукампи, мохахетукампи.

‘‘бйа̄па̄дампа̄хам̣, бхиккхаве, тивидхам̣ вада̄ми – лобхахетукампи, досахетукампи, мохахетукампи.

‘‘миччха̄дит̣т̣химпа̄хам̣, бхиккхаве, тивидхам̣ вада̄ми – лобхахетукампи, досахетукампи, мохахетукампи. ити кхо, бхиккхаве, лобхо камманида̄насамбхаво, досо камманида̄насамбхаво, мохо камманида̄насамбхаво. лобхаккхайа̄ камманида̄насан̇кхайо, досаккхайа̄ камманида̄насан̇кхайо, мохаккхайа̄ камманида̄насан̇кхайо’’ти. ат̣т̣хамам̣.