(16) 1. пуггалавагго

1. севитаббасуттам̣

155. ‘‘дасахи, бхиккхаве, дхаммехи саманна̄гато пуггало на севитаббо. катамехи дасахи? миччха̄дит̣т̣хико хоти, миччха̄сан̇каппо хоти, миччха̄ва̄чо хоти, миччха̄камманто хоти, миччха̄а̄джӣво хоти, миччха̄ва̄йа̄мо хоти, миччха̄сати хоти, миччха̄сама̄дхи хоти, миччха̄н̃а̄н̣ӣ хоти, миччха̄вимутти хоти – имехи кхо, бхиккхаве, дасахи дхаммехи саманна̄гато пуггало на севитаббо.

‘‘дасахи, бхиккхаве, дхаммехи саманна̄гато пуггало севитаббо. катамехи дасахи? самма̄дит̣т̣хико хоти, самма̄сан̇каппо хоти, самма̄ва̄чо хоти, самма̄камманто хоти, самма̄а̄джӣво хоти, самма̄ва̄йа̄мо хоти, самма̄сати хоти, самма̄сама̄дхи хоти, самма̄н̃а̄н̣ӣ хоти, самма̄вимутти хоти – имехи кхо, бхиккхаве, дасахи дхаммехи саманна̄гато пуггало севитаббо’’ти.

2-12. бхаджитабба̄дисутта̄ни

156-166. ‘‘дасахи, бхиккхаве, дхаммехи саманна̄гато пуггало на бхаджитаббо…пе… бхаджитаббо…пе… на пайирупа̄ситаббо… пайирупа̄ситаббо…пе… на пуджджо хоти… пуджджо хоти…пе… на па̄сам̣со хоти… па̄сам̣со хоти…пе… ага̄раво хоти… сага̄раво хоти…пе… аппатиссо хоти… саппатиссо хоти…пе… на а̄ра̄дхако хоти … а̄ра̄дхако хоти…пе… на висуджджхати… висуджджхати…пе… ма̄нам̣ на̄дхибхоти… ма̄нам̣ адхибхоти…пе. … пан̃н̃а̄йа на вад̣д̣хати… пан̃н̃а̄йа вад̣д̣хати…пе….

‘‘бахум̣ апун̃н̃ам̣ пасавати… бахум̣ пун̃н̃ам̣ пасавати. катамехи дасахи? самма̄дит̣т̣хико хоти, самма̄сан̇каппо хоти, самма̄ва̄чо хоти, самма̄камманто хоти, самма̄а̄джӣво хоти, самма̄ва̄йа̄мо хоти, самма̄сати хоти, самма̄сама̄дхи хоти, самма̄н̃а̄н̣ӣ хоти, самма̄вимутти хоти – имехи кхо, бхиккхаве, дасахи дхаммехи саманна̄гато пуггало бахум̣ пун̃н̃ам̣ пасаватӣ’’ти.

пуггалавагго пат̣хамо.