(14) 4. са̄дхувагго

1. са̄дхусуттам̣

134. [а. ни. 10.178] ‘‘са̄дхун̃ча во, бхиккхаве, десесса̄ми аса̄дхун̃ча. там̣ сун̣а̄тха, са̄дхукам̣ манаси каротха; бха̄сисса̄мӣ’’ти. ‘‘евам̣, бханте’’ти кхо те бхиккхӯ бхагавато паччассосум̣. бхагава̄ етадавоча –

‘‘катаман̃ча, бхиккхаве, аса̄дху? миччха̄дит̣т̣хи, миччха̄сан̇каппо, миччха̄ва̄ча̄, миччха̄камманто, миччха̄а̄джӣво, миччха̄ва̄йа̄мо, миччха̄сати, миччха̄сама̄дхи, миччха̄н̃а̄н̣ам̣, миччха̄вимутти – идам̣ вуччати, бхиккхаве, аса̄дху. катаман̃ча, бхиккхаве, са̄дху? самма̄дит̣т̣хи, самма̄сан̇каппо, самма̄ва̄ча̄ самма̄камманто, самма̄а̄джӣво, самма̄ва̄йа̄мо, самма̄сати, самма̄сама̄дхи, самма̄н̃а̄н̣ам̣, самма̄вимутти – идам̣ вуччати, бхиккхаве, са̄дхӯ’’ти. пат̣хамам̣.

2. арийадхаммасуттам̣

135. ‘‘арийадхамман̃ча во, бхиккхаве, десесса̄ми анарийадхамман̃ча. там̣ сун̣а̄тха…пе… катамо ча, бхиккхаве, анарийо дхаммо? миччха̄дит̣т̣хи…пе… миччха̄вимутти – айам̣ вуччати, бхиккхаве, анарийо дхаммо. катамо ча, бхиккхаве, арийо дхаммо? самма̄дит̣т̣хи…пе… самма̄вимутти – айам̣ вуччати, бхиккхаве, арийо дхаммо’’ти. дутийам̣.

3. акусаласуттам̣

136. ‘‘акусалан̃ча во, бхиккхаве, десесса̄ми кусалан̃ча. там̣ сун̣а̄тха …пе… катаман̃ча, бхиккхаве, акусалам̣? миччха̄дит̣т̣хи…пе… миччха̄вимутти – идам̣ вуччати, бхиккхаве, акусалам̣. катаман̃ча, бхиккхаве, кусалам̣? самма̄дит̣т̣хи…пе… самма̄вимутти – идам̣ вуччати, бхиккхаве, кусала’’нти. татийам̣.

4. аттхасуттам̣

137. ‘‘аттхан̃ча во, бхиккхаве, десесса̄ми анаттхан̃ча. там̣ сун̣а̄тха…пе… катамо ча, бхиккхаве, анаттхо? миччха̄дит̣т̣хи …пе… миччха̄вимутти – айам̣ вуччати, бхиккхаве, анаттхо. катамо ча, бхиккхаве, аттхо? самма̄дит̣т̣хи…пе… самма̄вимутти – айам̣ вуччати, бхиккхаве, аттхо’’ти. чатуттхам̣.

5. дхаммасуттам̣

138. ‘‘дхамман̃ча во, бхиккхаве, десесса̄ми адхамман̃ча. там̣ сун̣а̄тха…пе… катамо ча, бхиккхаве, адхаммо? миччха̄дит̣т̣хи…пе… миччха̄вимутти – айам̣ вуччати, бхиккхаве, адхаммо. катамо ча, бхиккхаве, дхаммо? самма̄дит̣т̣хи…пе… самма̄вимутти – айам̣ вуччати, бхиккхаве, дхаммо’’ти. пан̃чамам̣.

6. са̄савасуттам̣

139. ‘‘са̄саван̃ча во, бхиккхаве, дхаммам̣ десесса̄ми ана̄саван̃ча. там̣ сун̣а̄тха…пе… катамо ча, бхиккхаве, са̄саво дхаммо? миччха̄дит̣т̣хи…пе… миччха̄вимутти – айам̣ вуччати, бхиккхаве, са̄саво дхаммо. катамо ча, бхиккхаве, ана̄саво дхаммо? самма̄дит̣т̣хи…пе… самма̄вимутти – айам̣ вуччати, бхиккхаве, ана̄саво дхаммо’’ти. чхат̣т̣хам̣.

7. са̄ваджджасуттам̣

140. ‘‘са̄ваджджан̃ча во, бхиккхаве, дхаммам̣ десесса̄ми анаваджджан̃ча. там̣ сун̣а̄тха…пе… катамо ча, бхиккхаве, са̄ваджджо дхаммо? миччха̄дит̣т̣хи…пе… миччха̄вимутти – айам̣ вуччати, бхиккхаве, са̄ваджджо дхаммо. катамо ча, бхиккхаве, анаваджджо дхаммо? самма̄дит̣т̣хи…пе… самма̄вимутти – айам̣ вуччати, бхиккхаве, анаваджджо дхаммо’’ти. саттамам̣.

8. тапанӣйасуттам̣

141. ‘‘тапанӣйан̃ча во, бхиккхаве, дхаммам̣ десесса̄ми атапанӣйан̃ча. там̣ сун̣а̄тха…пе… катамо ча, бхиккхаве, тапанӣйо дхаммо? миччха̄дит̣т̣хи…пе… миччха̄вимутти – айам̣ вуччати, бхиккхаве, тапанӣйо дхаммо. катамо ча, бхиккхаве, атапанӣйо дхаммо? самма̄дит̣т̣хи…пе… самма̄вимутти – айам̣ вуччати, бхиккхаве, атапанӣйо дхаммо’’ти. ат̣т̣хамам̣.

9. а̄чайага̄мисуттам̣

142. ‘‘а̄чайага̄мин̃ча во, бхиккхаве, дхаммам̣ десесса̄ми апачайага̄мин̃ча. там̣ сун̣а̄тха…пе… катамо ча, бхиккхаве, а̄чайага̄мӣ дхаммо? миччха̄дит̣т̣хи…пе… миччха̄вимутти – айам̣ вуччати, бхиккхаве, а̄чайага̄мӣ дхаммо. катамо ча, бхиккхаве, апачайага̄мӣ дхаммо? самма̄дит̣т̣хи…пе… самма̄вимутти – айам̣ вуччати, бхиккхаве, апачайага̄мӣ дхаммо’’ти. навамам̣.

10. дуккхудрайасуттам̣

143. ‘‘дуккхудрайан̃ча во, бхиккхаве, дхаммам̣ десесса̄ми сукхудрайан̃ча. там̣ сун̣а̄тха…пе… катамо ча, бхиккхаве, дуккхудрайо дхаммо? миччха̄дит̣т̣хи…пе… миччха̄вимутти – айам̣ вуччати, бхиккхаве, дуккхудрайо дхаммо. катамо ча, бхиккхаве, сукхудрайо дхаммо? самма̄дит̣т̣хи…пе… самма̄вимутти – айам̣ вуччати, бхиккхаве, сукхудрайо дхаммо’’ти. дасамам̣.

11. дуккхавипа̄касуттам̣

144. ‘‘дуккхавипа̄кан̃ча во, бхиккхаве, дхаммам̣ десесса̄ми сукхавипа̄кан̃ча. там̣ сун̣а̄тха…пе… катамо ча, бхиккхаве, дуккхавипа̄ко дхаммо? миччха̄дит̣т̣хи…пе… миччха̄вимутти – айам̣ вуччати, бхиккхаве, дуккхавипа̄ко дхаммо. катамо ча, бхиккхаве, сукхавипа̄ко дхаммо? самма̄дит̣т̣хи…пе… самма̄вимутти – айам̣ вуччати, бхиккхаве, сукхавипа̄ко дхаммо’’ти. ека̄дасамам̣.

са̄дхувагго чатуттхо.