7. ка̄касуттам̣

77. ‘‘дасахи, бхиккхаве, асаддхаммехи саманна̄гато ка̄ко. катамехи дасахи? дхам̣сӣ ча, пагаббхо ча, тинтин̣о [нилладжджо (ка.) тинтин̣оти тинтин̣ам̣ вуччати тан̣ха̄… (сӣ. сйа̄. ат̣т̣ха.) абхидхамме кхуддакаваттхувибхан̇ге тинтин̣ападаниддесе пасситаббам̣] ча, махаггхасо ча, луддо ча, ака̄рун̣ико ча, дуббало ча, оравита̄ ча, мут̣т̣хассати ча, нечайико [нерасико (сӣ.) тадат̣т̣хакатха̄йам̣ пана ‘‘нечайико’’ твева диссати] ча – имехи кхо, бхиккхаве, дасахи асаддхаммехи саманна̄гато ка̄ко. евамевам̣ кхо, бхиккхаве, дасахи асаддхаммехи саманна̄гато па̄пабхиккху. катамехи дасахи? дхам̣сӣ ча, пагаббхо ча, тинтин̣о ча, махаггхасо ча, луддо ча, ака̄рун̣ико ча, дуббало ча, оравита̄ ча, мут̣т̣хассати ча, нечайико ча – имехи кхо, бхиккхаве, дасахи асаддхаммехи саманна̄гато па̄пабхиккхӯ’’ти. саттамам̣.