2. пат̣хамавива̄дамӯласуттам̣

42. ‘‘кати ну кхо, бханте, вива̄дамӯла̄нӣ’’ти? ‘‘даса кхо, упа̄ли, вива̄дамӯла̄ни. катама̄ни даса? идхупа̄ли, бхиккхӯ адхаммам̣ дхаммоти дӣпенти, дхаммам̣ адхаммоти дӣпенти, авинайам̣ винайоти дӣпенти, винайам̣ авинайоти дӣпенти, абха̄ситам̣ алапитам̣ татха̄гатена бха̄ситам̣ лапитам̣ татха̄гатена̄ти дӣпенти, бха̄ситам̣ лапитам̣ татха̄гатена абха̄ситам̣ алапитам̣ татха̄гатена̄ти дӣпенти, ана̄чин̣н̣ам̣ татха̄гатена а̄чин̣н̣ам̣ татха̄гатена̄ти дӣпенти, а̄чин̣н̣ам̣ татха̄гатена ана̄чин̣н̣ам̣ татха̄гатена̄ти дӣпенти, апан̃н̃аттам̣ татха̄гатена пан̃н̃аттам̣ татха̄гатена̄ти дӣпенти, пан̃н̃аттам̣ татха̄гатена апан̃н̃аттам̣ татха̄гатена̄ти дӣпенти. има̄ни кхо, упа̄ли, даса вива̄дамӯла̄нӣ’’ти. дутийам̣.