6. са̄ман̣ерасуттам̣

36. ‘‘катихи ну кхо, бханте, дхаммехи саманна̄гатена бхиккхуна̄ са̄ман̣еро упат̣т̣ха̄петаббо’’ти? ‘‘дасахи кхо, упа̄ли, дхаммехи саманна̄гатена бхиккхуна̄ са̄ман̣еро упат̣т̣ха̄петаббо. катамехи дасахи? идхупа̄ли, бхиккху сӣлава̄ хоти…пе… сама̄да̄йа сиккхати сиккха̄падесу; бахуссуто хоти…пе… дит̣т̣хийа̄ суппат̣ивиддха̄; па̄тимоккхам̣ кхо панасса виттха̄рена сва̄гатам̣ хоти сувибхаттам̣ суппаваттам̣ сувиниччхитам̣ суттасо анубйан̃джанасо; пат̣ибало хоти гила̄нам̣ упат̣т̣ха̄тум̣ ва̄ упат̣т̣ха̄петум̣ ва̄; пат̣ибало хоти анабхиратим̣ вӯпака̄сетум̣ ва̄ вӯпака̄са̄петум̣ ва̄; пат̣ибало хоти уппаннам̣ куккуччам̣ дхаммато винодетум̣; пат̣ибало хоти уппаннам̣ дит̣т̣хигатам̣ дхаммато вивечетум̣; пат̣ибало хоти адхисӣле сама̄дапетум̣; пат̣ибало хоти адхичитте сама̄дапетум̣; пат̣ибало хоти адхипан̃н̃а̄йа сама̄дапетум̣. имехи кхо, упа̄ли, дасахи дхаммехи саманна̄гатена бхиккхуна̄ са̄ман̣еро упат̣т̣ха̄петаббо’’ти. чхат̣т̣хам̣.