2. па̄тимоккхат̣т̣хапана̄суттам̣

32. ‘‘кати ну кхо, бханте, па̄тимоккхат̣т̣хапана̄’’ти? ‘‘даса кхо, упа̄ли, па̄тимоккхат̣т̣хапана̄. катаме даса? па̄ра̄джико тассам̣ париса̄йам̣ нисинно хоти, па̄ра̄джикакатха̄ виппаката̄ хоти, анупасампанно тассам̣ париса̄йам̣ нисинно хоти, анупасампаннакатха̄ виппаката̄ хоти, сиккхам̣ паччаккха̄тако тассам̣ париса̄йам̣ нисинно хоти, сиккхам̣ паччаккха̄такакатха̄ виппаката̄ хоти, пан̣д̣ако тассам̣ париса̄йам̣ нисинно хоти, пан̣д̣акакатха̄ виппаката̄ хоти, бхиккхунидӯсако тассам̣ париса̄йам̣ нисинно хоти, бхиккхунидӯсакакатха̄ виппаката̄ хоти – име кхо, упа̄ли, даса па̄тимоккхат̣т̣хапана̄’’ти. дутийам̣.