20. аматавагго

600. ‘‘аматам̣ те, бхиккхаве, на парибхун̃джанти йе ка̄йагата̄сатим̣ на парибхун̃джанти. аматам̣ те, бхиккхаве, парибхун̃джанти йе ка̄йагата̄сатим̣ парибхун̃джантӣ’’ти.

601. ‘‘аматам̣ тесам̣, бхиккхаве, апарибхуттам̣ йесам̣ ка̄йагата̄сати апарибхутта̄. аматам̣ тесам̣, бхиккхаве, парибхуттам̣ йесам̣ ка̄йагата̄сати парибхутта̄’’ти.

602. ‘‘аматам̣ тесам̣, бхиккхаве, парихӣнам̣ йесам̣ ка̄йагата̄сати парихӣна̄. аматам̣ тесам̣, бхиккхаве, апарихӣнам̣ йесам̣ ка̄йагата̄сати апарихӣна̄’’ти.

603. ‘‘аматам̣ тесам̣, бхиккхаве, вираддхам̣ йесам̣ ка̄йагата̄сати вираддха̄. аматам̣ тесам̣, бхиккхаве, а̄раддхам̣ [авираддхам̣ (ка.)] йесам̣ ка̄йагата̄сати а̄раддха̄’’ти.

604. ‘‘аматам̣ те, бхиккхаве, пама̄дим̣су йе ка̄йагата̄сатим̣ пама̄дим̣су. аматам̣ те, бхиккхаве, на пама̄дим̣су йе ка̄йагата̄сатим̣ на пама̄дим̣су’’.

605. ‘‘аматам̣ тесам̣, бхиккхаве, памут̣т̣хам̣ йесам̣ ка̄йагата̄сати памут̣т̣ха̄. аматам̣ тесам̣, бхиккхаве, аппамут̣т̣хам̣ йесам̣ ка̄йагата̄сати аппамут̣т̣ха̄’’ти.

606. ‘‘аматам̣ тесам̣, бхиккхаве, ана̄севитам̣ йесам̣ ка̄йагата̄сати ана̄севита̄. аматам̣ тесам̣, бхиккхаве, а̄севитам̣ йесам̣ ка̄йагата̄сати а̄севита̄’’ти.

607. ‘‘аматам̣ тесам̣, бхиккхаве, абха̄витам̣ йесам̣ ка̄йагата̄сати абха̄вита̄. аматам̣ тесам̣, бхиккхаве, бха̄витам̣ йесам̣ ка̄йагата̄сати бха̄вита̄’’ти.

608. ‘‘аматам̣ тесам̣, бхиккхаве, абахулӣкатам̣ йесам̣ ка̄йагата̄сати абахулӣката̄. аматам̣ тесам̣, бхиккхаве, бахулӣкатам̣ йесам̣ ка̄йагата̄сати бахулӣката̄’’ти.

609. ‘‘аматам̣ тесам̣, бхиккхаве, анабхин̃н̃а̄там̣ йесам̣ ка̄йагата̄сати анабхин̃н̃а̄та̄. аматам̣ тесам̣, бхиккхаве, абхин̃н̃а̄там̣ йесам̣ ка̄йагата̄сати абхин̃н̃а̄та̄’’ти.

610. ‘‘аматам̣ тесам̣, бхиккхаве, апарин̃н̃а̄там̣ йесам̣ ка̄йагата̄сати апарин̃н̃а̄та̄. аматам̣ тесам̣, бхиккхаве, парин̃н̃а̄там̣ йесам̣ ка̄йагата̄сати парин̃н̃а̄та̄’’ти.

611. ‘‘аматам̣ тесам̣, бхиккхаве, асаччхикатам̣ йесам̣ ка̄йагата̄сати асаччхиката̄. аматам̣ тесам̣, бхиккхаве, саччхикатам̣ йесам̣ ка̄йагата̄сати саччхиката̄’’ти. (….) [(екаканипа̄тасса суттасахассам̣ саматтам̣.) (сӣ. сйа̄. кам̣. пӣ.)]

(идамавоча бхагава̄. аттамана̄ те бхиккхӯ бхагавато бха̄ситам̣ абхинандунти.) [( ) еттхантаре па̄т̣хо сӣ. сйа̄. кам̣. пӣ. поттхакесу наттхи]

аматавагго вӣсатимо.