18. апарааччхара̄сан̇гха̄тавагго

382. ‘‘аччхара̄сан̇гха̄таматтампи че, бхиккхаве, бхиккху пат̣хамам̣ джха̄нам̣ бха̄вети, айам̣ вуччати, бхиккхаве – ‘бхиккху ариттаджджха̄но вихарати, саттхуса̄санакаро ова̄дапатикаро, амогхам̣ рат̣т̣хапин̣д̣ам̣ бхун̃джати’. ко пана ва̄до йе нам̣ бахулӣкаронтӣ’’ти!

383-389. ‘‘аччхара̄сан̇гха̄таматтампи че, бхиккхаве, бхиккху дутийам̣ джха̄нам̣ бха̄вети…пе… татийам̣ джха̄нам̣ бха̄вети…пе… чатуттхам̣ джха̄нам̣ бха̄вети…пе… меттам̣ четовимуттим̣ бха̄вети…пе… карун̣ам̣ четовимуттим̣ бха̄вети…пе… мудитам̣ четовимуттим̣ бха̄вети…пе… упеккхам̣ четовимуттим̣ бха̄вети…пе….

390-393. ка̄йе ка̄йа̄нупассӣ вихарати а̄та̄пӣ сампаджа̄но сатима̄ винеййа локе абхиджджха̄доманассам̣; ведана̄су ведана̄нупассӣ вихарати…пе… читте читта̄нупассӣ вихарати…пе… дхаммесу дхамма̄нупассӣ вихарати а̄та̄пӣ сампаджа̄но сатима̄ винеййа локе абхиджджха̄доманассам̣.

394-397. ануппанна̄нам̣ па̄пака̄нам̣ акусала̄нам̣ дхамма̄нам̣ ануппа̄да̄йа чхандам̣ джанети ва̄йамати вӣрийам̣ [вирийам̣ (сӣ. сйа̄. кам̣. пӣ.)] а̄рабхати читтам̣ пагган̣ха̄ти падахати; уппанна̄нам̣ па̄пака̄нам̣ акусала̄нам̣ дхамма̄нам̣ паха̄на̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати. ануппанна̄нам̣ кусала̄нам̣ дхамма̄нам̣ уппа̄да̄йа чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати; уппанна̄нам̣ кусала̄нам̣ дхамма̄нам̣ т̣хитийа̄ асаммоса̄йа бхиййобха̄ва̄йа вепулла̄йа бха̄вана̄йа па̄рипӯрийа̄ чхандам̣ джанети ва̄йамати вӣрийам̣ а̄рабхати читтам̣ пагган̣ха̄ти падахати.

398-401. чхандасама̄дхипадха̄насан̇кха̄расаманна̄гатам̣ иддхипа̄дам̣ бха̄вети… вӣрийасама̄дхипадха̄насан̇кха̄расаманна̄гатам̣ иддхипа̄дам̣ бха̄вети… читтасама̄дхипадха̄насан̇кха̄расаманна̄гатам̣ иддхипа̄дам̣ бха̄вети… вӣмам̣са̄сама̄дхипадха̄насан̇кха̄расаманна̄гатам̣ иддхипа̄дам̣ бха̄вети….

402-406. саддхиндрийам̣ бха̄вети… вӣрийиндрийам̣ бха̄вети… сатиндрийам̣ бха̄вети… сама̄дхиндрийам̣ бха̄вети… пан̃н̃индрийам̣ бха̄вети….

407-411. саддха̄балам̣ бха̄вети… вӣрийабалам̣ бха̄вети… сатибалам̣ бха̄вети… сама̄дхибалам̣ бха̄вети… пан̃н̃а̄балам̣ бха̄вети….

412-418. сатисамбоджджхан̇гам̣ бха̄вети… дхаммавичайасамбоджджхан̇гам̣ бха̄вети… вӣрийасамбоджджхан̇гам̣ бха̄вети… пӣтисамбоджджхан̇гам̣ бха̄вети… пассаддхисамбоджджхан̇гам̣ бха̄вети… сама̄дхисамбоджджхан̇гам̣ бха̄вети… упеккха̄самбоджджхан̇гам̣ бха̄вети….

419-426. самма̄дит̣т̣хим̣ бха̄вети… самма̄сан̇каппам̣ бха̄вети… самма̄ва̄чам̣ бха̄вети… самма̄каммантам̣ бха̄вети… самма̄а̄джӣвам̣ бха̄вети… самма̄ва̄йа̄мам̣ бха̄вети… самма̄сатим̣ бха̄вети… самма̄сама̄дхим̣ бха̄вети….

427-434. [дӣ. ни. 2.173; ма. ни. 2.249; а. ни. 8.65] аджджхаттам̣ рӯпасан̃н̃ӣ бахиддха̄ рӯпа̄ни пассати паритта̄ни суван̣н̣адуббан̣н̣а̄ни. ‘та̄ни абхибхуййа джа̄на̄ми пасса̄мӣ’ти – евам̣сан̃н̃ӣ хоти… аджджхаттам̣ рӯпасан̃н̃ӣ бахиддха̄ рӯпа̄ни пассати аппама̄н̣а̄ни суван̣н̣адуббан̣н̣а̄ни. ‘та̄ни абхибхуййа джа̄на̄ми пасса̄мӣ’ти – евам̣сан̃н̃ӣ хоти… аджджхаттам̣ арӯпасан̃н̃ӣ бахиддха̄ рӯпа̄ни пассати паритта̄ни суван̣н̣адуббан̣н̣а̄ни. ‘та̄ни абхибхуййа джа̄на̄ми пасса̄мӣ’ти – евам̣сан̃н̃ӣ хоти… аджджхаттам̣ арӯпасан̃н̃ӣ бахиддха̄ рӯпа̄ни пассати аппама̄н̣а̄ни суван̣н̣адуббан̣н̣а̄ни. ‘та̄ни абхибхуййа джа̄на̄ми пасса̄мӣ’ти – евам̣сан̃н̃ӣ хоти… аджджхаттам̣ арӯпасан̃н̃ӣ бахиддха̄ рӯпа̄ни пассати нӣла̄ни нӣлаван̣н̣а̄ни нӣланидассана̄ни нӣланибха̄са̄ни. ‘та̄ни абхибхуййа джа̄на̄ми пасса̄мӣ’ти – евам̣сан̃н̃ӣ хоти… аджджхаттам̣ арӯпасан̃н̃ӣ бахиддха̄ рӯпа̄ни пассати пӣта̄ни пӣтаван̣н̣а̄ни пӣтанидассана̄ни пӣтанибха̄са̄ни. ‘та̄ни абхибхуййа джа̄на̄ми пасса̄мӣ’ти – евам̣сан̃н̃ӣ хоти… аджджхаттам̣ арӯпасан̃н̃ӣ бахиддха̄ рӯпа̄ни пассати лохитака̄ни лохитакаван̣н̣а̄ни лохитаканидассана̄ни лохитаканибха̄са̄ни. ‘та̄ни абхибхуййа джа̄на̄ми пасса̄мӣ’ти евам̣сан̃н̃ӣ хоти… аджджхаттам̣ арӯпасан̃н̃ӣ бахиддха̄ рӯпа̄ни пассати ода̄та̄ни ода̄таван̣н̣а̄ни ода̄танидассана̄ни ода̄танибха̄са̄ни. ‘та̄ни абхибхуййа джа̄на̄ми пасса̄мӣ’ти – евам̣сан̃н̃ӣ хоти….

435-442. рӯпӣ рӯпа̄ни пассати… аджджхаттам̣ арӯпасан̃н̃ӣ бахиддха̄ рӯпа̄ни пассати субхантева адхимутто хоти… саббасо рӯпасан̃н̃а̄нам̣ саматиккама̄ пат̣игхасан̃н̃а̄нам̣ аттхан̇гама̄ на̄наттасан̃н̃а̄нам̣ аманасика̄ра̄ ананто а̄ка̄соти а̄ка̄са̄нан̃ча̄йатанам̣ упасампаджджа вихарати… саббасо а̄ка̄са̄нан̃ча̄йатанам̣ саматиккамма анантам̣ вин̃н̃а̄н̣анти вин̃н̃а̄н̣ан̃ча̄йатанам̣ упасампаджджа вихарати… саббасо вин̃н̃а̄н̣ан̃ча̄йатанам̣ саматиккамма наттхи кин̃чӣти а̄кин̃чан̃н̃а̄йатанам̣ упасампаджджа вихарати… саббасо а̄кин̃чан̃н̃а̄йатанам̣ саматиккамма невасан̃н̃а̄на̄сан̃н̃а̄йатанам̣ упасампаджджа вихарати… саббасо невасан̃н̃а̄на̄сан̃н̃а̄йатанам̣ саматиккамма сан̃н̃а̄ведайитаниродхам̣ упасампаджджа вихарати….

443-452. патхавӣкасин̣ам̣ бха̄вети… а̄покасин̣ам̣ бха̄вети… теджокасин̣ам̣ бха̄вети… ва̄йокасин̣ам̣ бха̄вети… нӣлакасин̣ам̣ бха̄вети… пӣтакасин̣ам̣ бха̄вети… лохитакасин̣ам̣ бха̄вети… ода̄такасин̣ам̣ бха̄вети… а̄ка̄сакасин̣ам̣ бха̄вети… вин̃н̃а̄н̣акасин̣ам̣ бха̄вети….

453-462. асубхасан̃н̃ам̣ бха̄вети… маран̣асан̃н̃ам̣ бха̄вети… а̄ха̄ре пат̣икӯласан̃н̃ам̣ бха̄вети… саббалоке анабхиратисан̃н̃ам̣ [анабхиратасан̃н̃ам̣ (сӣ. сйа̄. кам̣. пӣ.)] бха̄вети… аниччасан̃н̃ам̣ бха̄вети… аничче дуккхасан̃н̃ам̣ бха̄вети… дуккхе анаттасан̃н̃ам̣ бха̄вети… паха̄насан̃н̃ам̣ бха̄вети… вира̄гасан̃н̃ам̣ бха̄вети… ниродхасан̃н̃ам̣ бха̄вети….

463-472. аниччасан̃н̃ам̣ бха̄вети… анаттасан̃н̃ам̣ бха̄вети… маран̣асан̃н̃ам̣ бха̄вети… а̄ха̄ре пат̣икӯласан̃н̃ам̣ бха̄вети… саббалоке анабхиратисан̃н̃ам̣ бха̄вети… ат̣т̣хикасан̃н̃ам̣ бха̄вети… пул̣авакасан̃н̃ам̣ [пул̣увакасан̃н̃ам̣ (ка.)] бха̄вети… винӣлакасан̃н̃ам̣ бха̄вети… виччхиддакасан̃н̃ам̣ бха̄вети… уддхума̄такасан̃н̃ам̣ бха̄вети….

473-482. буддха̄нуссатим̣ бха̄вети… дхамма̄нуссатим̣ бха̄вети… сан̇гха̄нуссатим̣ бха̄вети… сӣла̄нуссатим̣ бха̄вети… ча̄га̄нуссатим̣ бха̄вети… девата̄нуссатим̣ бха̄вети… а̄на̄па̄нассатим̣ бха̄вети… маран̣ассатим̣ бха̄вети… ка̄йагата̄сатим̣ бха̄вети… упасама̄нуссатим̣ бха̄вети….

483-492. пат̣хамаджджха̄насахагатам̣ саддхиндрийам̣ бха̄вети… вӣрийиндрийам̣ бха̄вети… сатиндрийам̣ бха̄вети… сама̄дхиндрийам̣ бха̄вети… пан̃н̃индрийам̣ бха̄вети… саддха̄балам̣ бха̄вети… вӣрийабалам̣ бха̄вети… сатибалам̣ бха̄вети… сама̄дхибалам̣ бха̄вети… пан̃н̃а̄балам̣ бха̄вети….

493-562. ‘‘дутийаджджха̄насахагатам̣…пе… татийаджджха̄насахагатам̣…пе… чатуттхаджджха̄насахагатам̣…пе… метта̄сахагатам̣…пе… карун̣а̄сахагатам̣…пе… мудита̄сахагатам̣…пе… упеккха̄сахагатам̣ саддхиндрийам̣ бха̄вети… вӣрийиндрийам̣ бха̄вети… сатиндрийам̣ бха̄вети… сама̄дхиндрийам̣ бха̄вети… пан̃н̃индрийам̣ бха̄вети… саддха̄балам̣ бха̄вети… вӣрийабалам̣ бха̄вети… сатибалам̣ бха̄вети… сама̄дхибалам̣ бха̄вети… пан̃н̃а̄балам̣ бха̄вети. айам̣ вуччати, бхиккхаве – ‘бхиккху ариттаджджха̄но вихарати саттхуса̄санакаро ова̄дапатикаро, амогхам̣ рат̣т̣хапин̣д̣ам̣ бхун̃джати’. ко пана ва̄до йе нам̣ бахулӣкаронтӣ’’ти!

апарааччхара̄сан̇гха̄тавагго ат̣т̣ха̄расамо.