𑁩. 𑀙𑁂𑀤𑀦𑀓𑀸𑀤𑀺

𑁩𑁩𑁭. 𑀓𑀢𑀺 𑀙𑁂𑀤𑀦𑀓𑀸𑀦𑀺? 𑀓𑀢𑀺 𑀪𑁂𑀤𑀦𑀓𑀸𑀦𑀺? 𑀓𑀢𑀺 𑀉𑀤𑁆𑀤𑀸𑀮𑀦𑀓𑀸𑀦𑀺? 𑀓𑀢𑀺 𑀅𑀦𑀜𑁆𑀜𑀧𑀸𑀘𑀺𑀢𑁆𑀢𑀺𑀬𑀸𑀦𑀺? 𑀓𑀢𑀺 𑀪𑀺𑀓𑁆𑀔𑀼𑀲𑀫𑁆𑀫𑀼𑀢𑀺𑀬𑁄? 𑀓𑀢𑀺 𑀲𑀸𑀫𑀻𑀘𑀺𑀬𑁄? 𑀓𑀢𑀺 𑀧𑀭𑀫𑀸𑀦𑀺?

𑀓𑀢𑀺 𑀚𑀸𑀦𑀦𑁆𑀢𑀺 𑀧𑀜𑁆𑀜𑀢𑁆𑀢𑀸, 𑀩𑀼𑀤𑁆𑀥𑁂𑀦𑀸𑀤𑀺𑀘𑁆𑀘𑀩𑀦𑁆𑀥𑀼𑀦𑀸.

𑀙 𑀙𑁂𑀤𑀦𑀓𑀸𑀦𑀺. 𑀏𑀓𑀁 𑀪𑁂𑀤𑀦𑀓𑀁. 𑀏𑀓𑀁 𑀉𑀤𑁆𑀤𑀸𑀮𑀦𑀓𑀁. 𑀘𑀢𑁆𑀢𑀸𑀭𑀺 𑀅𑀦𑀜𑁆𑀜𑀧𑀸𑀘𑀺𑀢𑁆𑀢𑀺𑀬𑀸𑀦𑀺. 𑀘𑀢𑀲𑁆𑀲𑁄 𑀪𑀺𑀓𑁆𑀔𑀼𑀲𑀫𑁆𑀫𑀼𑀢𑀺𑀬𑁄. 𑀲𑀢𑁆𑀢 𑀲𑀸𑀫𑀻𑀘𑀺𑀬𑁄. 𑀘𑀼𑀤𑁆𑀤𑀲 𑀧𑀭𑀫𑀸𑀦𑀺.

𑀲𑁄𑀤𑀲 [𑀲𑁄𑀴𑀲 (𑀲𑀻. 𑀲𑁆𑀬𑀸.) 𑀅𑀝𑁆𑀞𑀓𑀣𑀸 𑀑𑀮𑁄𑀓𑁂𑀢𑀩𑁆𑀩𑀸] 𑀚𑀸𑀦𑀦𑁆𑀢𑀺 𑀧𑀜𑁆𑀜𑀢𑁆𑀢𑀸, 𑀩𑀼𑀤𑁆𑀥𑁂𑀦𑀸𑀤𑀺𑀘𑁆𑀘𑀩𑀦𑁆𑀥𑀼𑀦𑀸.