𑁬. 𑀏𑀴𑀓𑀮𑁄𑀫𑀲𑀫𑀼𑀝𑁆𑀞𑀸𑀦𑀁

𑁨𑁬𑁩. 𑀏𑀴𑀓𑀮𑁄𑀫𑀸 𑀤𑁆𑀯𑁂 𑀲𑁂𑀬𑁆𑀬𑀸, 𑀆𑀳𑀘𑁆𑀘 𑀧𑀺𑀡𑁆𑀟𑀪𑁄𑀚𑀦𑀁;

𑀕𑀡𑀯𑀺𑀓𑀸𑀮𑀲𑀦𑁆𑀦𑀺𑀥𑀺, 𑀤𑀦𑁆𑀢𑀧𑁄𑀦𑁂𑀦 𑀘𑁂𑀮𑀓𑀸.

𑀉𑀬𑁆𑀬𑀼𑀢𑁆𑀢𑀁 𑀲𑁂𑀦𑀁 [𑀉𑀬𑁆𑀬𑀼𑀢𑁆𑀢𑀁 𑀯𑀲𑁂 (𑀲𑁆𑀬𑀸.)] 𑀉𑀬𑁆𑀬𑁄𑀥𑀺, 𑀲𑀼𑀭𑀸 𑀑𑀭𑁂𑀦 𑀦𑁆𑀳𑀸𑀬𑀦𑀸;

𑀤𑀼𑀩𑁆𑀩𑀡𑁆𑀡𑁂 𑀤𑁆𑀯𑁂 𑀤𑁂𑀲𑀦𑀺𑀓𑀸, 𑀮𑀲𑀼𑀡𑀼𑀧𑀢𑀺𑀝𑁆𑀞𑁂 𑀦𑀘𑁆𑀘𑀦𑀸.

𑀦𑁆𑀳𑀸𑀦𑀫𑀢𑁆𑀣𑀭𑀡𑀁 𑀲𑁂𑀬𑁆𑀬𑀸, 𑀅𑀦𑁆𑀢𑁄𑀭𑀝𑁆𑀞𑁂 𑀢𑀣𑀸 𑀩𑀳𑀺;

𑀅𑀦𑁆𑀢𑁄𑀯𑀲𑁆𑀲𑀁 𑀘𑀺𑀢𑁆𑀢𑀸𑀕𑀸𑀭𑀁, 𑀆𑀲𑀦𑁆𑀤𑀺 𑀲𑀼𑀢𑁆𑀢𑀓𑀦𑁆𑀢𑀦𑀸.

𑀯𑁂𑀬𑁆𑀬𑀸𑀯𑀘𑁆𑀘𑀁 𑀲𑀳𑀢𑁆𑀣𑀸 𑀘, 𑀅𑀪𑀺𑀓𑁆𑀔𑀼𑀓𑀸𑀯𑀸𑀲𑁂𑀦 𑀘;

𑀙𑀢𑁆𑀢𑀁 𑀬𑀸𑀦𑀜𑁆𑀘 𑀲𑀗𑁆𑀖𑀸𑀡𑀺𑀁, 𑀅𑀮𑀗𑁆𑀓𑀸𑀭𑀁 𑀕𑀦𑁆𑀥𑀯𑀸𑀲𑀺𑀢𑀁.

𑀪𑀺𑀓𑁆𑀔𑀼𑀦𑀻 𑀲𑀺𑀓𑁆𑀔𑀫𑀸𑀦𑀸 𑀘, 𑀲𑀸𑀫𑀡𑁂𑀭𑀻 𑀕𑀺𑀳𑀺𑀦𑀺𑀬𑀸;

𑀅𑀲𑀁𑀓𑀘𑁆𑀘𑀺𑀓𑀸 𑀆𑀧𑀢𑁆𑀢𑀺, 𑀘𑀢𑁆𑀢𑀸𑀭𑀻𑀲𑀸 𑀘𑀢𑀼𑀢𑁆𑀢𑀭𑀺.

𑀓𑀸𑀬𑁂𑀦 𑀦 𑀯𑀸𑀘𑀸𑀘𑀺𑀢𑁆𑀢𑁂𑀦, 𑀓𑀸𑀬𑀘𑀺𑀢𑁆𑀢𑁂𑀦 𑀦 𑀯𑀸𑀘𑀢𑁄;

𑀤𑁆𑀯𑀺𑀲𑀫𑀼𑀝𑁆𑀞𑀸𑀦𑀺𑀓𑀸 𑀲𑀩𑁆𑀩𑁂, 𑀲𑀫𑀸 𑀏𑀴𑀓𑀮𑁄𑀫𑀺𑀓𑀸𑀢𑀺.

𑀏𑀴𑀓𑀮𑁄𑀫𑀲𑀫𑀼𑀝𑁆𑀞𑀸𑀦𑀁 𑀦𑀺𑀝𑁆𑀞𑀺𑀢𑀁.