𑁨. 𑀤𑀼𑀢𑀺𑀬𑀧𑀸𑀭𑀸𑀚𑀺𑀓𑀲𑀫𑀼𑀝𑁆𑀞𑀸𑀦𑀁

𑁨𑁫𑁯. 𑀅𑀤𑀺𑀦𑁆𑀦𑀁 𑀯𑀺𑀕𑁆𑀕𑀳𑀼𑀢𑁆𑀢𑀭𑀺, 𑀤𑀼𑀝𑁆𑀞𑀼𑀮𑁆𑀮𑀸 𑀅𑀢𑁆𑀢𑀓𑀸𑀫𑀺𑀦𑀁;

𑀅𑀫𑀽𑀮𑀸 𑀅𑀜𑁆𑀜𑀪𑀸𑀕𑀺𑀬𑀸, 𑀅𑀦𑀺𑀬𑀢𑀸 𑀤𑀼𑀢𑀺𑀬𑀺𑀓𑀸.

𑀅𑀘𑁆𑀙𑀺𑀦𑁆𑀤𑁂 𑀧𑀭𑀺𑀡𑀸𑀫𑀦𑁂, 𑀫𑀼𑀲𑀸 𑀑𑀫𑀲𑀧𑁂𑀲𑀼𑀡𑀸;

𑀤𑀼𑀝𑁆𑀞𑀼𑀮𑁆𑀮𑀸 𑀧𑀣𑀯𑀻𑀔𑀡𑁂, 𑀪𑀽𑀢𑀁 𑀅𑀜𑁆𑀜𑀸𑀬 𑀉𑀚𑁆𑀛𑀸𑀧𑁂.

𑀦𑀺𑀓𑁆𑀓𑀟𑁆𑀠𑀦𑀁 𑀲𑀺𑀜𑁆𑀘𑀦𑀜𑁆𑀘, 𑀆𑀫𑀺𑀲𑀳𑁂𑀢𑀼 𑀪𑀼𑀢𑁆𑀢𑀸𑀯𑀻;

𑀏𑀳𑀺 𑀅𑀦𑀸𑀤𑀭𑀺 𑀪𑀺𑀁𑀲𑀸, 𑀅𑀧𑀦𑀺𑀥𑁂 𑀘 𑀚𑀻𑀯𑀺𑀢𑀁.

𑀚𑀸𑀦𑀁 𑀲𑀧𑁆𑀧𑀸𑀡𑀓𑀁 𑀓𑀫𑁆𑀫𑀁, 𑀊𑀦𑀲𑀁𑀯𑀸𑀲𑀦𑀸𑀲𑀦𑀸;

𑀲𑀳𑀥𑀫𑁆𑀫𑀺𑀓𑀯𑀺𑀮𑁂𑀔𑀸, 𑀫𑁄𑀳𑁄 𑀅𑀫𑀽𑀮𑀓𑁂𑀦 𑀘.

𑀓𑀼𑀓𑁆𑀓𑀼𑀘𑁆𑀘𑀁 𑀥𑀫𑁆𑀫𑀺𑀓𑀁 𑀘𑀻𑀯𑀭𑀁, 𑀤𑀢𑁆𑀯𑀸 [𑀓𑀼𑀓𑁆𑀓𑀼𑀘𑁆𑀘𑀁 𑀥𑀫𑁆𑀫𑀺𑀓𑀁 𑀘𑀻𑀯𑀭𑀁 (𑀲𑀻.), 𑀓𑀼𑀓𑁆𑀓𑀼𑀘𑁆𑀘𑀁 𑀥𑀫𑁆𑀫𑀺𑀓𑀁 𑀤𑀢𑁆𑀯𑀸 (𑀲𑁆𑀬𑀸.)] 𑀧𑀭𑀺𑀡𑀸𑀫𑁂𑀬𑁆𑀬 𑀧𑀼𑀕𑁆𑀕𑀮𑁂;

𑀓𑀺𑀁 𑀢𑁂 𑀅𑀓𑀸𑀮𑀁 𑀅𑀘𑁆𑀙𑀺𑀦𑁆𑀤𑁂, 𑀤𑀼𑀕𑁆𑀕𑀳𑀻 𑀦𑀺𑀭𑀬𑁂𑀦 𑀘.

𑀕𑀡𑀁 𑀯𑀺𑀪𑀗𑁆𑀕𑀁 𑀤𑀼𑀩𑁆𑀩𑀮𑀁, 𑀓𑀣𑀺𑀦𑀸𑀨𑀸𑀲𑀼𑀧𑀲𑁆𑀲𑀬𑀁;

𑀅𑀓𑁆𑀓𑁄𑀲𑀘𑀡𑁆𑀟𑀻 𑀫𑀘𑁆𑀙𑀭𑀻, 𑀕𑀩𑁆𑀪𑀺𑀦𑀻 𑀘 𑀧𑀸𑀬𑀦𑁆𑀢𑀺𑀬𑀸.

𑀤𑁆𑀯𑁂𑀯𑀲𑁆𑀲𑀁 𑀲𑀺𑀓𑁆𑀔𑀸 𑀲𑀗𑁆𑀖𑁂𑀦, 𑀢𑀬𑁄 𑀘𑁂𑀯 𑀕𑀺𑀳𑀻𑀕𑀢𑀸;

𑀓𑀼𑀫𑀸𑀭𑀺𑀪𑀽𑀢𑀸 𑀢𑀺𑀲𑁆𑀲𑁄 𑀘, 𑀊𑀦𑀤𑁆𑀯𑀸𑀤𑀲𑀲𑀫𑁆𑀫𑀢𑀸.

𑀅𑀮𑀁 𑀢𑀸𑀯 𑀲𑁄𑀓𑀸𑀯𑀸𑀲𑀁, 𑀙𑀦𑁆𑀤𑀸 𑀅𑀦𑀼𑀯𑀲𑁆𑀲𑀸 𑀘 𑀤𑁆𑀯𑁂;

𑀲𑀺𑀓𑁆𑀔𑀸𑀧𑀤𑀸 𑀲𑀢𑁆𑀢𑀢𑀺𑀫𑁂, 𑀲𑀫𑀼𑀝𑁆𑀞𑀸𑀦𑀸 𑀢𑀺𑀓𑀸 𑀓𑀢𑀸.

𑀓𑀸𑀬𑀘𑀺𑀢𑁆𑀢𑁂𑀦 𑀦 𑀯𑀸𑀘𑀸, 𑀯𑀸𑀘𑀸𑀘𑀺𑀢𑁆𑀢𑀁 𑀦 𑀓𑀸𑀬𑀺𑀓𑀁;

𑀢𑀻𑀳𑀺 𑀤𑁆𑀯𑀸𑀭𑁂𑀳𑀺 𑀚𑀸𑀬𑀦𑁆𑀢𑀺, 𑀧𑀸𑀭𑀸𑀚𑀺𑀓𑀁 𑀤𑀼𑀢𑀺𑀬𑀁 𑀬𑀣𑀸.

𑀤𑀼𑀢𑀺𑀬𑀧𑀸𑀭𑀸𑀚𑀺𑀓𑀲𑀫𑀼𑀝𑁆𑀞𑀸𑀦𑀁 𑀦𑀺𑀝𑁆𑀞𑀺𑀢𑀁.