𑁨𑁪𑁫. 𑀧𑀝𑀺𑀲𑀸𑀭𑀡𑀻𑀬𑀓𑀫𑁆𑀫𑀓𑀣𑀸

𑁪𑁧𑁪. 𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀕𑀺𑀳𑀻 𑀅𑀓𑁆𑀓𑁄𑀲𑀢𑀺 𑀧𑀭𑀺𑀪𑀸𑀲𑀢𑀺. 𑀢𑀢𑁆𑀭 𑀘𑁂 𑀪𑀺𑀓𑁆𑀔𑀽𑀦𑀁 𑀏𑀯𑀁 𑀳𑁄𑀢𑀺 𑁋 ‘‘𑀅𑀬𑀁 𑀔𑁄, 𑀆𑀯𑀼𑀲𑁄, 𑀪𑀺𑀓𑁆𑀔𑀼 𑀕𑀺𑀳𑀻 𑀅𑀓𑁆𑀓𑁄𑀲𑀢𑀺 𑀧𑀭𑀺𑀪𑀸𑀲𑀢𑀺. 𑀳𑀦𑁆𑀤𑀲𑁆𑀲 𑀫𑀬𑀁 𑀧𑀝𑀺𑀲𑀸𑀭𑀡𑀻𑀬𑀓𑀫𑁆𑀫𑀁 𑀓𑀭𑁄𑀫𑀸’’𑀢𑀺. 𑀢𑁂 𑀢𑀲𑁆𑀲 𑀧𑀝𑀺𑀲𑀸𑀭𑀡𑀻𑀬𑀓𑀫𑁆𑀫𑀁 𑀓𑀭𑁄𑀦𑁆𑀢𑀺 𑁋 𑀅𑀥𑀫𑁆𑀫𑁂𑀦 𑀯𑀕𑁆𑀕𑀸. 𑀲𑁄 𑀢𑀫𑁆𑀳𑀸 𑀆𑀯𑀸𑀲𑀸 𑀅𑀜𑁆𑀜𑀁 𑀆𑀯𑀸𑀲𑀁 𑀕𑀘𑁆𑀙𑀢𑀺. 𑀢𑀢𑁆𑀣𑀧𑀺 𑀪𑀺𑀓𑁆𑀔𑀽𑀦𑀁 𑀏𑀯𑀁 𑀳𑁄𑀢𑀺 𑁋 ‘‘𑀅𑀬𑀁 𑀔𑁄, 𑀆𑀯𑀼𑀲𑁄, 𑀪𑀺𑀓𑁆𑀔𑀼 𑀲𑀗𑁆𑀖𑁂𑀦 𑀧𑀝𑀺𑀲𑀸𑀭𑀡𑀻𑀬𑀓𑀫𑁆𑀫𑀓𑀢𑁄 𑀅𑀥𑀫𑁆𑀫𑁂𑀦 𑀯𑀕𑁆𑀕𑁂𑀳𑀺. 𑀳𑀦𑁆𑀤𑀲𑁆𑀲 𑀫𑀬𑀁 𑀧𑀝𑀺𑀲𑀸𑀭𑀡𑀻𑀬𑀓𑀫𑁆𑀫𑀁 𑀓𑀭𑁄𑀫𑀸’’𑀢𑀺. 𑀢𑁂 𑀢𑀲𑁆𑀲 𑀧𑀝𑀺𑀲𑀸𑀭𑀡𑀻𑀬𑀓𑀫𑁆𑀫𑀁 𑀓𑀭𑁄𑀦𑁆𑀢𑀺 𑁋 𑀅𑀥𑀫𑁆𑀫𑁂𑀦 𑀲𑀫𑀕𑁆𑀕𑀸…𑀧𑁂… 𑀥𑀫𑁆𑀫𑁂𑀦 𑀯𑀕𑁆𑀕𑀸… 𑀥𑀫𑁆𑀫𑀧𑀢𑀺𑀭𑀽𑀧𑀓𑁂𑀦 𑀯𑀕𑁆𑀕𑀸… 𑀥𑀫𑁆𑀫𑀧𑀢𑀺𑀭𑀽𑀧𑀓𑁂𑀦 𑀲𑀫𑀕𑁆𑀕𑀸…𑀧𑁂….

𑀘𑀓𑁆𑀓𑀁 𑀓𑀸𑀢𑀩𑁆𑀩𑀁.

𑀧𑀝𑀺𑀲𑀸𑀭𑀡𑀻𑀬𑀓𑀫𑁆𑀫𑀓𑀣𑀸 𑀦𑀺𑀝𑁆𑀞𑀺𑀢𑀸.