𑁯. 𑀘𑁄𑀤𑀓𑁂𑀦𑀉𑀧𑀝𑁆𑀞𑀸𑀧𑁂𑀢𑀩𑁆𑀩𑀥𑀫𑁆𑀫𑀸

𑁪𑁦𑁦. ‘‘𑀘𑁄𑀤𑀓𑁂𑀦, 𑀪𑀦𑁆𑀢𑁂, 𑀪𑀺𑀓𑁆𑀔𑀼𑀦𑀸 𑀧𑀭𑀁 𑀘𑁄𑀤𑁂𑀢𑀼𑀓𑀸𑀫𑁂𑀦 𑀓𑀢𑀺 𑀥𑀫𑁆𑀫𑁂 𑀅𑀚𑁆𑀛𑀢𑁆𑀢𑀁 𑀉𑀧𑀝𑁆𑀞𑀸𑀧𑁂𑀢𑁆𑀯𑀸 𑀧𑀭𑁄 𑀘𑁄𑀤𑁂𑀢𑀩𑁆𑀩𑁄’’𑀢𑀺? ‘‘𑀘𑁄𑀤𑀓𑁂𑀦𑀼𑀧𑀸𑀮𑀺, 𑀪𑀺𑀓𑁆𑀔𑀼𑀦𑀸 𑀧𑀭𑀁 𑀘𑁄𑀤𑁂𑀢𑀼𑀓𑀸𑀫𑁂𑀦 𑀧𑀜𑁆𑀘 𑀥𑀫𑁆𑀫𑁂 𑀅𑀚𑁆𑀛𑀢𑁆𑀢𑀁 𑀉𑀧𑀝𑁆𑀞𑀸𑀧𑁂𑀢𑁆𑀯𑀸 𑀧𑀭𑁄 𑀘𑁄𑀤𑁂𑀢𑀩𑁆𑀩𑁄 𑁋 𑀓𑀸𑀮𑁂𑀦 𑀯𑀓𑁆𑀔𑀸𑀫𑀺, 𑀦𑁄 𑀅𑀓𑀸𑀮𑁂𑀦; 𑀪𑀽𑀢𑁂𑀦 𑀯𑀓𑁆𑀔𑀸𑀫𑀺, 𑀦𑁄 𑀅𑀪𑀽𑀢𑁂𑀦; 𑀲𑀡𑁆𑀳𑁂𑀦 𑀯𑀓𑁆𑀔𑀸𑀫𑀺, 𑀦𑁄 𑀨𑀭𑀼𑀲𑁂𑀦; 𑀅𑀢𑁆𑀣𑀲𑀁𑀳𑀺𑀢𑁂𑀦 𑀯𑀓𑁆𑀔𑀸𑀫𑀺, 𑀦𑁄 𑀅𑀦𑀢𑁆𑀣𑀲𑀁𑀳𑀺𑀢𑁂𑀦; 𑀫𑁂𑀢𑁆𑀢𑀘𑀺𑀢𑁆𑀢𑁄 𑀯𑀓𑁆𑀔𑀸𑀫𑀺, 𑀦𑁄 𑀤𑁄𑀲𑀦𑁆𑀢𑀭𑁄𑀢𑀺. 𑀘𑁄𑀤𑀓𑁂𑀦𑀼𑀧𑀸𑀮𑀺, 𑀪𑀺𑀓𑁆𑀔𑀼𑀦𑀸 𑀧𑀭𑀁 𑀘𑁄𑀤𑁂𑀢𑀼𑀓𑀸𑀫𑁂𑀦 𑀇𑀫𑁂 𑀧𑀜𑁆𑀘 𑀥𑀫𑁆𑀫𑁂 𑀅𑀚𑁆𑀛𑀢𑁆𑀢𑀁 𑀉𑀧𑀝𑁆𑀞𑀸𑀧𑁂𑀢𑁆𑀯𑀸 𑀧𑀭𑁄 𑀘𑁄𑀤𑁂𑀢𑀩𑁆𑀩𑁄’’𑀢𑀺.