𑁧𑁧. 𑀢𑀢𑀺𑀬𑀦𑀯𑀓𑀁

𑁧𑁮𑁪. ‘‘𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸𑀬𑁄 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀸𑀫𑀻𑀢𑀺 𑀫𑀜𑁆𑀜𑀫𑀸𑀦𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸𑀬𑁄 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄 𑀢𑀲𑁆𑀫𑀺𑀁 𑀪𑀽𑀫𑀺𑀬𑀁 𑀞𑀺𑀢𑁄 𑀧𑀼𑀭𑀺𑀫𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀢𑀺, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀢𑀺. 𑀢𑀲𑁆𑀲 𑀏𑀯𑀁 𑀳𑁄𑀢𑀺 𑁋 ‘𑀅𑀳𑀁 𑀔𑁄 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄𑀳𑀁 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀺𑀁. 𑀢𑀲𑁆𑀲 𑀫𑁂 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀅𑀤𑀸𑀲𑀺. 𑀲𑁄𑀳𑀁 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀸𑀬𑁄 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄𑀳𑀁 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀺𑀁. 𑀢𑀁 𑀫𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀅𑀤𑀸𑀲𑀺. 𑀲𑁄𑀳𑀁 𑀧𑀭𑀺𑀯𑀲𑀸𑀫𑀻𑀢𑀺 𑀫𑀜𑁆𑀜𑀫𑀸𑀦𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀸𑀬𑁄 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄𑀳𑀁 𑀢𑀲𑁆𑀫𑀺𑀁 𑀪𑀽𑀫𑀺𑀬𑀁 𑀞𑀺𑀢𑁄 𑀧𑀼𑀭𑀺𑀫𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀸𑀫𑀺, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀸𑀫𑀺. 𑀬𑀁𑀦𑀽𑀦𑀸𑀳𑀁 𑀲𑀗𑁆𑀖𑀁 𑀧𑀼𑀭𑀺𑀫𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑁂𑀬𑁆𑀬𑀁 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁; 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁, 𑀥𑀫𑁆𑀫𑁂𑀦 𑀅𑀩𑁆𑀪𑀸𑀦’𑀦𑁆𑀢𑀺. 𑀲𑁄 𑀲𑀗𑁆𑀖𑀁 𑀧𑀼𑀭𑀺𑀫𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁; 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁, 𑀥𑀫𑁆𑀫𑁂𑀦 𑀅𑀩𑁆𑀪𑀸𑀦𑀁. 𑀢𑀁 𑀲𑀗𑁆𑀖𑁄 𑀧𑀼𑀭𑀺𑀫𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺; 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺 [𑀅𑀬𑀁 𑀧𑀞𑀫𑀯𑀸𑀭𑁄 𑀲𑀻 𑀲𑁆𑀬𑀸. 𑀧𑁄𑀢𑁆𑀣𑀓𑁂𑀲𑀼 𑀧𑀭𑀺𑀧𑀼𑀡𑁆𑀡𑁄 𑀤𑀺𑀲𑁆𑀲𑀢𑀺].

‘‘𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺, 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀸𑀫𑀻𑀢𑀺 𑀫𑀜𑁆𑀜𑀫𑀸𑀦𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄 𑀢𑀲𑁆𑀫𑀺𑀁 𑀪𑀽𑀫𑀺𑀬𑀁 𑀞𑀺𑀢𑁄 𑀧𑀼𑀭𑀺𑀫𑀸𑀆𑀧𑀢𑁆𑀢𑀻𑀦𑀁 [𑀧𑀼𑀭𑀺𑀫𑀸𑀦𑀁 𑀆𑀧𑀢𑁆𑀢𑀻𑀦𑀁 (𑀓.)] 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀢𑀺, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀢𑀺. 𑀢𑀲𑁆𑀲 𑀏𑀯𑀁 𑀳𑁄𑀢𑀺 𑁋 ‘𑀅𑀳𑀁 𑀔𑁄 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄𑀳𑀁 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀺𑀁. 𑀢𑀲𑁆𑀲 𑀫𑁂 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀅𑀤𑀸𑀲𑀺. 𑀲𑁄𑀳𑀁 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄𑀳𑀁 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀺𑀁. 𑀢𑀁 𑀫𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀺, 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀅𑀤𑀸𑀲𑀺. 𑀲𑁄𑀳𑀁 𑀧𑀭𑀺𑀯𑀲𑀸𑀫𑀻𑀢𑀺 𑀫𑀜𑁆𑀜𑀫𑀸𑀦𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄𑀳𑀁 𑀢𑀲𑁆𑀫𑀺𑀁 𑀪𑀽𑀫𑀺𑀬𑀁 𑀞𑀺𑀢𑁄 𑀧𑀼𑀭𑀺𑀫𑀸𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀸𑀫𑀺, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀸𑀫𑀺. 𑀬𑀁𑀦𑀽𑀦𑀸𑀳𑀁 𑀲𑀗𑁆𑀖𑀁 𑀧𑀼𑀭𑀺𑀫𑀸𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑁂𑀬𑁆𑀬𑀁 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁, 𑀥𑀫𑁆𑀫𑁂𑀦 𑀅𑀩𑁆𑀪𑀸𑀦’𑀦𑁆𑀢𑀺. 𑀲𑁄 𑀲𑀗𑁆𑀖𑀁 𑀧𑀼𑀭𑀺𑀫𑀸𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁, 𑀥𑀫𑁆𑀫𑁂𑀦 𑀅𑀩𑁆𑀪𑀸𑀦𑀁. 𑀢𑀁 𑀲𑀗𑁆𑀖𑁄 𑀧𑀼𑀭𑀺𑀫𑀸𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺.

‘‘𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀸𑀫𑀻𑀢𑀺 𑀫𑀜𑁆𑀜𑀫𑀸𑀦𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄 𑀢𑀲𑁆𑀫𑀺𑀁 𑀪𑀽𑀫𑀺𑀬𑀁 𑀞𑀺𑀢𑁄 𑀧𑀼𑀭𑀺𑀫𑀸𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀢𑀺, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀢𑀺. 𑀢𑀲𑁆𑀲 𑀏𑀯𑀁 𑀳𑁄𑀢𑀺 𑁋 ‘𑀅𑀳𑀁 𑀔𑁄 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄𑀳𑀁 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀺𑀁. 𑀢𑀲𑁆𑀲 𑀫𑁂 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀅𑀤𑀸𑀲𑀺. 𑀲𑁄𑀳𑀁 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄𑀳𑀁 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀺𑀁. 𑀢𑀁 𑀫𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀅𑀤𑀸𑀲𑀺. 𑀲𑁄𑀳𑀁 𑀧𑀭𑀺𑀯𑀲𑀸𑀫𑀻𑀢𑀺 𑀫𑀜𑁆𑀜𑀫𑀸𑀦𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄𑀳𑀁 𑀢𑀲𑁆𑀫𑀺𑀁 𑀪𑀽𑀫𑀺𑀬𑀁 𑀞𑀺𑀢𑁄 𑀧𑀼𑀭𑀺𑀫𑀸𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀸𑀫𑀺, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀸𑀫𑀺. 𑀬𑀁𑀦𑀽𑀦𑀸𑀳𑀁 𑀲𑀗𑁆𑀖𑀁 𑀧𑀼𑀭𑀺𑀫𑀸𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑁂𑀬𑁆𑀬𑀁 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁, 𑀥𑀫𑁆𑀫𑁂𑀦 𑀅𑀩𑁆𑀪𑀸𑀦’𑀦𑁆𑀢𑀺. 𑀲𑁄 𑀲𑀗𑁆𑀖𑀁 𑀧𑀼𑀭𑀺𑀫𑀸𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸 𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸 𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁, 𑀥𑀫𑁆𑀫𑁂𑀦 𑀅𑀩𑁆𑀪𑀸𑀦𑀁. 𑀢𑀁 𑀲𑀗𑁆𑀖𑁄 𑀧𑀼𑀭𑀺𑀫𑀸𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸 𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸 𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺.

‘‘𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀅𑀧𑀭𑀺𑀫𑀸𑀡𑀸𑀬𑁄 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄…𑀧𑁂… 𑀅𑀧𑀭𑀺𑀫𑀸𑀡𑀸𑀬𑁄 𑀧𑀝𑀺𑀘𑁆𑀙𑀦𑁆𑀦𑀸𑀬𑁄…𑀧𑁂… 𑀅𑀧𑀭𑀺𑀫𑀸𑀡𑀸𑀬𑁄 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺…𑀧𑁂… 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀸𑀫𑀻𑀢𑀺 𑀫𑀜𑁆𑀜𑀫𑀸𑀦𑁄…𑀧𑁂… 𑀢𑀁 𑀲𑀗𑁆𑀖𑁄 𑀧𑀼𑀭𑀺𑀫𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺 [𑀇𑀫𑁂𑀧𑀺 𑀘𑀢𑁆𑀢𑀸𑀭𑁄 𑀯𑀸𑀭𑀸 𑀲𑀻. 𑀲𑁆𑀬𑀸. 𑀧𑁄𑀢𑁆𑀣𑀓𑁂𑀲𑀼 𑀧𑀭𑀺𑀧𑀼𑀡𑁆𑀡𑀸 𑀤𑀺𑀲𑁆𑀲𑀦𑁆𑀢𑀺].

‘‘𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀸𑀫𑀻𑀢𑀺 𑀫𑀜𑁆𑀜𑀫𑀸𑀦𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄 𑀢𑀲𑁆𑀫𑀺𑀁 𑀪𑀽𑀫𑀺𑀬𑀁 𑀞𑀺𑀢𑁄 𑀧𑀼𑀭𑀺𑀫𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀢𑀺, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀢𑀺. 𑀢𑀲𑁆𑀲 𑀏𑀯𑀁 𑀳𑁄𑀢𑀺 𑁋 ‘𑀅𑀳𑀁 𑀔𑁄 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄𑀳𑀁 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀺𑀁. 𑀢𑀲𑁆𑀲 𑀫𑁂 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀅𑀤𑀸𑀲𑀺. 𑀲𑁄𑀳𑀁 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄𑀳𑀁 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀺𑀁. 𑀢𑀁 𑀫𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀅𑀤𑀸𑀲𑀺. 𑀲𑁄𑀳𑀁 𑀧𑀭𑀺𑀯𑀲𑀸𑀫𑀻𑀢𑀺 𑀫𑀜𑁆𑀜𑀫𑀸𑀦𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄𑀳𑀁 𑀢𑀲𑁆𑀫𑀺𑀁 𑀪𑀽𑀫𑀺𑀬𑀁 𑀞𑀺𑀢𑁄 𑀧𑀼𑀭𑀺𑀫𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀸𑀫𑀺, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀸𑀫𑀺. 𑀬𑀁𑀦𑀽𑀦𑀸𑀳𑀁 𑀲𑀗𑁆𑀖𑀁 𑀧𑀼𑀭𑀺𑀫𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸 𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸𑀆𑀧𑀢𑁆𑀢𑀻𑀦 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑁂𑀬𑁆𑀬𑀁 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁, 𑀥𑀫𑁆𑀫𑁂𑀦 𑀅𑀩𑁆𑀪𑀸𑀦’𑀦𑁆𑀢𑀺. 𑀲𑁄 𑀲𑀗𑁆𑀖𑀁 𑀧𑀼𑀭𑀺𑀫𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁, 𑀥𑀫𑁆𑀫𑁂𑀦 𑀅𑀩𑁆𑀪𑀸𑀦𑀁. 𑀢𑀁 𑀲𑀗𑁆𑀖𑁄 𑀧𑀼𑀭𑀺𑀫𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺.

‘‘𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀸𑀫𑀻𑀢𑀺 𑀫𑀜𑁆𑀜𑀫𑀸𑀦𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄 𑀢𑀲𑁆𑀫𑀺𑀁 𑀪𑀽𑀫𑀺𑀬𑀁 𑀞𑀺𑀢𑁄 𑀧𑀼𑀭𑀺𑀫𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀢𑀺, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀢𑀺. 𑀢𑀲𑁆𑀲 𑀏𑀯𑀁 𑀳𑁄𑀢𑀺 𑁋 ‘𑀅𑀳𑀁 𑀔𑁄 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄𑀳𑀁 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀺𑀁. 𑀢𑀲𑁆𑀲 𑀫𑁂 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀅𑀤𑀸𑀲𑀺. 𑀲𑁄𑀳𑀁 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄𑀳𑀁 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀺𑀁. 𑀢𑀁 𑀫𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀅𑀤𑀸𑀲𑀺. 𑀲𑁄𑀳𑀁 𑀧𑀭𑀺𑀯𑀲𑀸𑀫𑀻𑀢𑀺 𑀫𑀜𑁆𑀜𑀫𑀸𑀦𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀺𑀁 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄𑀳𑀁 𑀢𑀲𑁆𑀫𑀺𑀁 𑀪𑀽𑀫𑀺𑀬𑀁 𑀞𑀺𑀢𑁄 𑀧𑀼𑀭𑀺𑀫𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀸𑀫𑀺, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀺𑀬𑁄 𑀲𑀭𑀸𑀫𑀺. 𑀬𑀁𑀦𑀽𑀦𑀸𑀳𑀁 𑀲𑀗𑁆𑀖𑀁 𑀧𑀼𑀭𑀺𑀫𑀸𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑁂𑀬𑁆𑀬𑀁 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁, 𑀥𑀫𑁆𑀫𑁂𑀦 𑀅𑀩𑁆𑀪𑀸𑀦’𑀦𑁆𑀢𑀺. 𑀲𑁄 𑀲𑀗𑁆𑀖𑀁 𑀧𑀼𑀭𑀺𑀫𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁, 𑀥𑀫𑁆𑀫𑁂𑀦 𑀅𑀩𑁆𑀪𑀸𑀦𑀁. 𑀢𑀁 𑀲𑀗𑁆𑀖𑁄 𑀧𑀼𑀭𑀺𑀫𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸 𑀆𑀧𑀢𑁆𑀢𑀻𑀦𑀜𑁆𑀘, 𑀅𑀧𑀭𑀸 𑀆𑀧𑀢𑁆𑀢𑀻𑀦𑀁 𑀅𑀦𑁆𑀢𑀭𑀸 𑀆𑀧𑀢𑁆𑀢𑀻𑀦𑀜𑁆𑀘, 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺’’.

𑀢𑀢𑀺𑀬𑀦𑀯𑀓𑀁 𑀦𑀺𑀝𑁆𑀞𑀺𑀢𑀁.

𑀲𑀫𑀼𑀘𑁆𑀘𑀬𑀓𑁆𑀔𑀦𑁆𑀥𑀓𑁄 𑀢𑀢𑀺𑀬𑁄.

𑀢𑀲𑁆𑀲𑀼𑀤𑁆𑀤𑀸𑀦𑀁 𑁋

𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸 𑀏𑀓𑀸𑀳-𑀤𑁆𑀯𑀻𑀳-𑀢𑀻𑀳-𑀘𑀢𑀽𑀳 𑀘;

𑀧𑀜𑁆𑀘𑀸𑀳𑀧𑀓𑁆𑀔𑀤𑀲𑀦𑁆𑀦𑀁, 𑀆𑀧𑀢𑁆𑀢𑀺𑀫𑀸𑀳 𑀫𑀳𑀸𑀫𑀼𑀦𑀺.

𑀲𑀼𑀤𑁆𑀥𑀦𑁆𑀢𑁄 𑀘 𑀯𑀺𑀩𑁆𑀪𑀫𑀦𑁆𑀢𑁄, 𑀧𑀭𑀺𑀫𑀸𑀡𑀫𑀼𑀔𑀁 𑀤𑁆𑀯𑁂 𑀪𑀺𑀓𑁆𑀔𑀽;

𑀢𑀢𑁆𑀣 𑀲𑀜𑁆𑀜𑀺𑀦𑁄 𑀤𑁆𑀯𑁂 𑀬𑀣𑀸, 𑀯𑁂𑀫𑀢𑀺𑀓𑀸 𑀢𑀣𑁂𑀯 𑀘.

𑀫𑀺𑀲𑁆𑀲𑀓𑀤𑀺𑀝𑁆𑀞𑀺𑀦𑁄 𑀤𑁆𑀯𑁂 𑀘, 𑀅𑀲𑀼𑀤𑁆𑀥𑀓𑁂𑀓𑀤𑀺𑀝𑁆𑀞𑀺𑀦𑁄;

𑀤𑁆𑀯𑁂 𑀘𑁂𑀯 𑀲𑀼𑀤𑁆𑀥𑀤𑀺𑀝𑁆𑀞𑀺𑀦𑁄.

𑀢𑀣𑁂𑀯 𑀘 𑀏𑀓𑁄 𑀙𑀸𑀤𑁂𑀢𑀺, 𑀅𑀣 𑀫𑀓𑁆𑀔𑀫𑀢𑁂𑀦 𑀘;

𑀉𑀫𑁆𑀫𑀢𑁆𑀢𑀓𑀤𑁂𑀲𑀦𑀜𑁆𑀘, 𑀫𑀽𑀮𑀸 𑀅𑀝𑁆𑀞𑀸𑀭𑀲 [𑀧𑀦𑁆𑀦𑀭𑀲 (𑀓.)] 𑀯𑀺𑀲𑀼𑀤𑁆𑀥𑀢𑁄.

𑀆𑀘𑀭𑀺𑀬𑀸𑀦𑀁 𑀯𑀺𑀪𑀚𑁆𑀚𑀧𑀤𑀸𑀦𑀁 [𑀯𑀺𑀪𑀚𑁆𑀚𑀯𑀸𑀤𑀻𑀦𑀁 (𑀲𑀻.)], 𑀢𑀫𑁆𑀩𑀧𑀡𑁆𑀡𑀺𑀤𑀻𑀧𑀧𑀲𑀸𑀤𑀓𑀸𑀦𑀁;

𑀫𑀳𑀸𑀯𑀺𑀳𑀸𑀭𑀯𑀸𑀲𑀻𑀦𑀁, 𑀯𑀸𑀘𑀦𑀸 𑀲𑀤𑁆𑀥𑀫𑁆𑀫𑀝𑁆𑀞𑀺𑀢𑀺𑀬𑀸𑀢𑀺.

𑀲𑀫𑀼𑀘𑁆𑀘𑀬𑀓𑁆𑀔𑀦𑁆𑀥𑀓𑀁 𑀦𑀺𑀝𑁆𑀞𑀺𑀢𑀁.