𑁧𑁦. 𑀤𑀼𑀢𑀺𑀬𑀦𑀯𑀓𑀁 [𑀇𑀤𑀁 𑀦𑀯𑀓𑀁 𑀧𑁄𑀭𑀸𑀡𑀧𑁄𑀢𑁆𑀣𑀓𑁂𑀲𑀼 𑀅𑀯𑀺𑀲𑀼𑀤𑁆𑀥𑀺𑀯𑀲𑁂𑀦𑁂𑀯 𑀆𑀕𑀢𑀁, 𑀯𑀼𑀘𑁆𑀘𑀫𑀸𑀦𑀢𑀢𑀺𑀬𑀦𑀯𑀓𑁂𑀦 𑀘 𑀲𑀁𑀲𑀝𑁆𑀞𑀁. 𑀢𑀁 𑀧𑀝𑀺𑀯𑀺𑀲𑁄𑀥𑀓𑁂𑀳𑀺 𑀅𑀲𑀁𑀲𑀝𑁆𑀞𑀁 𑀓𑀢𑁆𑀯𑀸 𑀯𑀺𑀲𑀼𑀁 𑀧𑀢𑀺𑀝𑁆𑀞𑀸𑀧𑀺𑀢𑀁. 𑀲𑀻𑀳𑀴𑀲𑁆𑀬𑀸𑀫𑀧𑁄𑀢𑁆𑀣𑀓𑁂𑀲𑀼 𑀧𑀦 𑀢𑀁 𑀯𑀺𑀲𑀼𑀤𑁆𑀥𑀺𑀯𑀲𑁂𑀦𑁂𑀯 𑀆𑀕𑀢𑀁. 𑀢𑀁 𑀧𑀦𑁂𑀯𑀁 𑀯𑁂𑀤𑀺𑀢𑀩𑁆𑀩𑀁 𑁋§𑁧𑁦- 𑀫𑀽𑀮𑀸𑀬𑀯𑀺𑀲𑀼𑀤𑁆𑀥𑀺𑀦𑀯𑀓 (𑀲𑀻. 𑀲𑁆𑀬𑀸.)§𑁧𑁮𑁩. 𑀇𑀥 𑀧𑀦 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀁𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀁𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺, 𑀢𑀲𑁆𑀲 𑀢𑀲𑁆𑀲 𑀲𑀁𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀁𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸𑀬𑁄 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄…𑀧𑁂… 𑀧𑀭𑀺𑀫𑀸𑀡𑀸𑀬𑁄 𑀧𑀝𑀺𑀘𑁆𑀙𑀦𑁆𑀦𑀸𑀬𑁄…𑀧𑁂… 𑀧𑀭𑀺𑀫𑀸𑀡𑀸𑀬𑁄 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄 𑀲𑀁𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺, 𑀢𑀁 𑀲𑀁𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺. (𑁧-𑁩)§𑀇𑀥 𑀧𑀦 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀁𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀁𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺, 𑀢𑀲𑁆𑀲 𑀲𑀁𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀁𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀅𑀧𑀭𑀺𑀫𑀸𑀡𑀸𑀬𑁄 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄…𑀧𑁂… 𑀅𑀧𑀭𑀺𑀫𑀸𑀡𑀸𑀬𑁄 𑀧𑀝𑀺𑀘𑁆𑀙𑀦𑁆𑀦𑀸𑀬𑁄…𑀧𑁂… 𑀅𑀧𑀭𑀺𑀫𑀸𑀡𑀸𑀬𑁄 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄 𑀲𑀁𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺, 𑀢𑀁 𑀲𑀁𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀢𑀺. (𑁪-𑁬)§𑀇𑀥 𑀧𑀦 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀁𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀻 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀁𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺, 𑀢𑀲𑁆𑀲 𑀲𑀁𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀁𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄…𑀧𑁂… 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄…𑀧𑁂… 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄 𑀲𑀁𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺, 𑀢𑀁 𑀲𑀁𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀅𑀓𑀼𑀧𑁆𑀧𑁂𑀦 𑀞𑀸𑀦𑀸𑀭𑀳𑁂𑀦, 𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄 𑀪𑀺𑀓𑁆𑀔𑀯𑁂 𑀪𑀺𑀓𑁆𑀔𑀼 𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺. (𑁭-𑁯)§𑀫𑀽𑀮𑀸𑀬 𑀯𑀺𑀲𑀼𑀤𑁆𑀥𑀺𑀦𑀯𑀓𑀁 𑀦𑀺𑀝𑁆𑀞𑀺𑀢𑀁.]

𑁧𑁮𑁩. ‘‘𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺; 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺. (𑁧)

𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺; 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺. (𑁨)

‘‘𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺; 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺. (𑁩)

‘‘𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺, 𑀏𑀓𑀦𑀸𑀫𑀫𑁆𑀧𑀺 𑀦𑀸𑀦𑀸𑀦𑀸𑀫𑀫𑁆𑀧𑀺, 𑀲𑀪𑀸𑀕𑀫𑁆𑀧𑀺 𑀯𑀺𑀲𑀪𑀸𑀕𑀫𑁆𑀧𑀺, 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀅𑀧𑀭𑀺𑀫𑀸𑀡𑀸 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄…𑀧𑁂… 𑀅𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄…𑀧𑁂… 𑀅𑀧𑀭𑀺𑀫𑀸𑀡𑀸 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺…𑀧𑁂… 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺; 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺. (𑁪-𑁭)

‘‘𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺. (𑁮)

‘‘𑀇𑀥 𑀧𑀦, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀫𑁆𑀧𑀺 𑀅𑀧𑀭𑀺𑀫𑀸𑀡𑀫𑁆𑀧𑀺…𑀧𑁂… 𑀯𑀯𑀢𑁆𑀣𑀺𑀢𑀫𑁆𑀧𑀺 𑀲𑀫𑁆𑀪𑀺𑀦𑁆𑀦𑀫𑁆𑀧𑀺. 𑀲𑁄 𑀲𑀗𑁆𑀖𑀁 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀬𑀸𑀘𑀢𑀺. 𑀢𑀲𑁆𑀲 𑀲𑀗𑁆𑀖𑁄 𑀢𑀸𑀲𑀁 𑀆𑀧𑀢𑁆𑀢𑀻𑀦𑀁 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺. 𑀲𑁄 𑀧𑀭𑀺𑀯𑀲𑀦𑁆𑀢𑁄 𑀅𑀦𑁆𑀢𑀭𑀸 𑀲𑀫𑁆𑀩𑀳𑀼𑀮𑀸 𑀲𑀗𑁆𑀖𑀸𑀤𑀺𑀲𑁂𑀲𑀸 𑀆𑀧𑀢𑁆𑀢𑀺𑀬𑁄 𑀆𑀧𑀚𑁆𑀚𑀢𑀺 𑀧𑀭𑀺𑀫𑀸𑀡𑀸𑀬𑁄𑀧𑀺 𑀅𑀧𑀭𑀺𑀫𑀸𑀡𑀸𑀬𑁄𑀧𑀺 𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺 𑀅𑀧𑁆𑀧𑀝𑀺𑀘𑁆𑀙𑀦𑁆𑀦𑀸𑀬𑁄𑀧𑀺. 𑀲𑁄 𑀲𑀗𑁆𑀖𑀁 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬𑀧𑀝𑀺𑀓𑀲𑁆𑀲𑀦𑀁 𑀬𑀸𑀘𑀢𑀺. 𑀢𑀁 𑀲𑀗𑁆𑀖𑁄 𑀅𑀦𑁆𑀢𑀭𑀸𑀆𑀧𑀢𑁆𑀢𑀻𑀦𑀁 𑀫𑀽𑀮𑀸𑀬 𑀧𑀝𑀺𑀓𑀲𑁆𑀲𑀢𑀺 𑀅𑀥𑀫𑁆𑀫𑀺𑀓𑁂𑀦 𑀓𑀫𑁆𑀫𑁂𑀦 𑀓𑀼𑀧𑁆𑀧𑁂𑀦 𑀅𑀝𑁆𑀞𑀸𑀦𑀸𑀭𑀳𑁂𑀦, 𑀅𑀥𑀫𑁆𑀫𑁂𑀦 𑀲𑀫𑁄𑀥𑀸𑀦𑀧𑀭𑀺𑀯𑀸𑀲𑀁 𑀤𑁂𑀢𑀺; 𑀥𑀫𑁆𑀫𑁂𑀦 𑀫𑀸𑀦𑀢𑁆𑀢𑀁 𑀤𑁂𑀢𑀺, 𑀥𑀫𑁆𑀫𑁂𑀦 𑀅𑀩𑁆𑀪𑁂𑀢𑀺. 𑀲𑁄, 𑀪𑀺𑀓𑁆𑀔𑀯𑁂, 𑀪𑀺𑀓𑁆𑀔𑀼 𑀅𑀯𑀺𑀲𑀼𑀤𑁆𑀥𑁄 𑀢𑀸𑀳𑀺 𑀆𑀧𑀢𑁆𑀢𑀻𑀳𑀺. (𑁯)

𑀤𑀼𑀢𑀺𑀬𑀦𑀯𑀓𑀁 𑀦𑀺𑀝𑁆𑀞𑀺𑀢𑀁.