𑁧𑁪. 𑀯𑀺𑀧𑀸𑀓𑀧𑀘𑁆𑀘𑀬𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸

𑁧𑁪. 𑀬𑀣𑀸 𑀳𑀺 𑀭𑀽𑀧𑀪𑀯𑁂 𑀲𑀜𑁆𑀜𑀻𑀦𑀁 𑀢𑀁𑀦𑀺𑀩𑁆𑀩𑀢𑁆𑀢𑀺𑀢𑀧𑀼𑀜𑁆𑀜𑀸𑀪𑀺𑀲𑀗𑁆𑀔𑀸𑀭𑁂𑀦𑁂𑀯 𑀭𑀽𑀧𑀼𑀧𑁆𑀧𑀢𑁆𑀢𑀺, 𑀏𑀯𑀁 𑀅𑀲𑀜𑁆𑀜𑀻𑀦𑀫𑁆𑀧𑀻𑀢𑀺 𑀢𑀢𑁆𑀣 𑀓𑀸𑀫𑀸𑀯𑀘𑀭𑀓𑀫𑁆𑀫𑀼𑀦𑀸 𑀬𑀣𑀸 𑀯𑀺𑀧𑀸𑀓𑀸𑀦𑀼𑀭𑀽𑀧𑀸𑀦𑀁 𑀧𑀘𑁆𑀘𑀬𑁄 𑀳𑁄𑀦𑁆𑀢𑁄 𑀓𑁂𑀲𑀜𑁆𑀘𑀺𑀬𑁂𑀯 𑀳𑁄𑀢𑀺, 𑀦 𑀲𑀩𑁆𑀩𑁂𑀲𑀁, 𑀓𑀢𑁆𑀣𑀘𑀺𑀬𑁂𑀯 𑀳𑁄𑀢𑀺, 𑀦 𑀲𑀩𑁆𑀩𑀢𑁆𑀣, 𑀦 𑀏𑀯𑀁 𑀯𑀺𑀧𑀸𑀓𑀸𑀦𑀦𑁆𑀢𑀺 𑀆𑀳 ‘‘𑀏𑀓𑀦𑁆𑀢𑁂𑀦𑀸’’𑀢𑀺. 𑀢𑁂𑀲𑀁 𑀯𑀲𑁂𑀦𑀸𑀢𑀺 𑀢𑁂𑀲𑀁 𑀯𑀺𑀧𑀸𑀓𑀧𑀘𑁆𑀘𑀬𑀮𑀸𑀪𑀻𑀦𑀁 𑀯𑀺𑀧𑀸𑀓𑀓𑁆𑀔𑀦𑁆𑀥𑀸𑀦𑀁 𑀯𑀲𑁂𑀦. 𑀦 𑀳𑀻𑀢𑀺𑀆𑀤𑀺𑀦𑀸 ‘‘𑀏𑀓𑀦𑁆𑀢𑁂𑀦𑀸’’𑀢𑀺 𑀯𑀼𑀢𑁆𑀢𑀫𑀢𑁆𑀣𑀁 𑀩𑁆𑀬𑀢𑀺𑀭𑁂𑀓𑀢𑁄 𑀯𑀺𑀪𑀸𑀯𑁂𑀢𑀺. 𑀪𑀽𑀫𑀺𑀤𑁆𑀯𑀬𑀯𑀺𑀧𑀸𑀓𑁄𑀢𑀺 𑀓𑀸𑀫𑀸𑀯𑀘𑀭𑀭𑀽𑀧𑀸𑀯𑀘𑀭𑀯𑀺𑀧𑀸𑀓𑁄 𑀆𑀭𑀼𑀧𑁆𑀧𑁂 𑀭𑀽𑀧𑀲𑁆𑀲 𑀦 𑀳𑀺 𑀧𑀘𑁆𑀘𑀬𑁄𑀢𑀺 𑀬𑁄𑀚𑀦𑀸.

𑀯𑀺𑀧𑀸𑀓𑀧𑀘𑁆𑀘𑀬𑀦𑀺𑀤𑁆𑀤𑁂𑀲𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.