𑁧𑁦. 𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀓𑀣𑀸𑀯𑀡𑁆𑀡𑀦𑀸

𑁫𑁪𑁦. 𑀅𑀦𑁆𑀢𑀁 𑀕𑀳𑁂𑀢𑁆𑀯𑀸 𑀯𑀤𑀢𑀻𑀢𑀺 ‘‘𑀅𑀢𑁆𑀣𑀺 𑀅𑀭𑀽𑀧𑀥𑀫𑁆𑀫𑀸𑀦𑀁 𑀆𑀬𑀼 𑀞𑀺𑀢𑀺 𑀬𑀧𑀦𑀸 𑀬𑀸𑀧𑀦𑀸 𑀇𑀭𑀺𑀬𑀦𑀸 𑀯𑀢𑁆𑀢𑀦𑀸 𑀧𑀸𑀮𑀦𑀸, 𑀅𑀢𑁆𑀣𑀺 𑀅𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺 𑀢𑀲𑁆𑀫𑀺𑀁 𑀧𑀜𑁆𑀳𑁂 ‘‘𑀅𑀢𑁆𑀣𑀺 𑀅𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬’’𑀦𑁆𑀢𑀺 𑀇𑀫𑀁 𑀅𑀦𑁆𑀢𑀁 𑀧𑀭𑀺𑀬𑁄𑀲𑀸𑀦𑀁 𑀕𑀳𑁂𑀢𑁆𑀯𑀸 𑀯𑀤𑀢𑀺. 𑀯𑀢𑁆𑀢𑀼𑀁 𑀬𑀼𑀢𑁆𑀢𑁄 𑀲𑀫𑀼𑀤𑀸𑀬𑀲𑁆𑀲 𑀇𑀘𑁆𑀙𑀦𑁆𑀢𑁄 𑀢𑀤𑀯𑀬𑀯𑀲𑁆𑀲 𑀇𑀘𑁆𑀙𑀢𑀻𑀢𑀺. 𑀦 𑀳𑀺 𑀅𑀯𑀬𑀯𑁂𑀳𑀺 𑀯𑀺𑀦𑀸 𑀲𑀫𑀼𑀤𑀸𑀬𑁄 𑀦𑀸𑀫 𑀅𑀢𑁆𑀣𑀺.

𑁫𑁪𑁧. 𑀢𑀫𑁂𑀯𑀸𑀢𑀺 𑀅𑀭𑀽𑀧𑀁 𑀘𑀺𑀢𑁆𑀢𑀯𑀺𑀧𑁆𑀧𑀬𑀼𑀢𑁆𑀢𑀫𑁂𑀯.

𑁫𑁪𑁨. 𑀢𑀤𑀸𑀧𑀻𑀢𑀺 𑀲𑀫𑀸𑀧𑀚𑁆𑀚𑀦𑀯𑀼𑀝𑁆𑀞𑀸𑀦𑀓𑀸𑀮𑁂𑀧𑀺.

𑁫𑁪𑁪-𑁫𑁪𑁫. 𑀲𑁄 𑀬𑀼𑀢𑁆𑀢𑁄 𑀤𑁆𑀯𑀺𑀦𑁆𑀦𑀁 𑀭𑀽𑀧𑀸𑀭𑀽𑀧𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀸𑀦𑀁 𑀲𑀓𑀲𑀫𑀬𑁂 𑀇𑀘𑁆𑀙𑀺𑀢𑀢𑁆𑀢𑀸.

𑀚𑀻𑀯𑀺𑀢𑀺𑀦𑁆𑀤𑁆𑀭𑀺𑀬𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.