𑁫. 𑀭𑀽𑀧𑀥𑀸𑀢𑀼𑀓𑀣𑀸𑀯𑀡𑁆𑀡𑀦𑀸

𑁫𑁧𑁫-𑁫𑁧𑁬. 𑀭𑀽𑀧𑀥𑀸𑀢𑀽𑀢𑀺 𑀯𑀘𑀦𑀢𑁄𑀢𑀺 ‘‘𑀓𑀸𑀫𑀥𑀸𑀢𑀼𑀭𑀽𑀧𑀥𑀸𑀢𑀼𑀅𑀭𑀽𑀧𑀥𑀸𑀢𑀽’’𑀢𑀺 𑀏𑀢𑁆𑀣 𑀭𑀽𑀧𑀥𑀸𑀢𑀽𑀢𑀺 𑀯𑀼𑀢𑁆𑀢𑀢𑁆𑀢𑀸. 𑀭𑀽𑀧𑀻𑀥𑀫𑁆𑀫𑁂𑀳𑁂𑀯𑀸𑀢𑀺 𑀭𑀼𑀧𑁆𑀧𑀦𑀲𑀪𑀸𑀯𑁂𑀳𑀺𑀬𑁂𑀯 𑀥𑀫𑁆𑀫𑁂𑀳𑀺. ‘‘𑀢𑀬𑁄𑀫𑁂 𑀪𑀯𑀸’’𑀢𑀺𑀆𑀤𑀺𑀦𑀸 𑀧𑀭𑀺𑀘𑁆𑀙𑀺𑀦𑁆𑀦𑀸𑀢𑀺 𑀢𑀬𑁄𑀫𑁂 𑀪𑀯𑀸, 𑀢𑀺𑀲𑁆𑀲𑁄 𑀥𑀸𑀢𑀼𑀬𑁄𑀢𑀺 𑀘 𑀏𑀯𑀁 𑀧𑀭𑀺𑀘𑁆𑀙𑀺𑀦𑁆𑀦𑀸. ‘‘𑀥𑀸𑀢𑀼𑀬𑀸 𑀆𑀕𑀢𑀝𑁆𑀞𑀸𑀦𑁂 𑀪𑀯𑁂𑀦 𑀧𑀭𑀺𑀘𑁆𑀙𑀺𑀦𑁆𑀤𑀺𑀢𑀩𑁆𑀩𑀁, 𑀪𑀯𑀲𑁆𑀲 𑀆𑀕𑀢𑀝𑁆𑀞𑀸𑀦𑁂 𑀥𑀸𑀢𑀼𑀬𑀸 𑀧𑀭𑀺𑀘𑁆𑀙𑀺𑀦𑁆𑀤𑀺𑀢𑀩𑁆𑀩’’𑀦𑁆𑀢𑀺 𑀳𑀺 𑀯𑀼𑀢𑁆𑀢𑀁, 𑀢𑀲𑁆𑀫𑀸 𑀓𑀸𑀫𑀭𑀽𑀧𑀸𑀭𑀽𑀧𑀸𑀯𑀘𑀭𑀥𑀫𑁆𑀫𑀸𑀯 𑀢𑀁𑀢𑀁𑀪𑀼𑀫𑁆𑀫𑀪𑀸𑀯𑁂𑀦 𑀧𑀭𑀺𑀘𑁆𑀙𑀺𑀦𑁆𑀦𑀸 𑀏𑀯𑀁 𑀯𑀼𑀢𑁆𑀢𑀸.

𑀭𑀽𑀧𑀥𑀸𑀢𑀼𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.