𑁧. 𑀧𑀭𑀽𑀧𑀳𑀸𑀭𑀯𑀡𑁆𑀡𑀦𑀸

𑁩𑁦𑁭. 𑀯𑀺𑀓𑁆𑀔𑀫𑁆𑀪𑀺𑀢𑀭𑀸𑀕𑀸𑀯 𑀅𑀯𑀺𑀓𑁆𑀔𑀫𑁆𑀪𑀺𑀢𑀭𑀸𑀕𑀸𑀦𑀁 𑀅𑀥𑀺𑀫𑀸𑀦𑀺𑀓𑀢𑀸𑀬 𑀅𑀲𑀫𑁆𑀪𑀯𑀢𑁄𑀢𑀺 𑀬𑀸𑀯 𑀅𑀥𑀺𑀫𑀸𑀦𑀺𑀓𑀁, 𑀢𑀸𑀯 𑀲𑀫𑁆𑀧𑀚𑀸𑀦𑀸 𑀦𑀺𑀤𑁆𑀤𑀁 𑀑𑀓𑁆𑀓𑀫𑀦𑁆𑀢𑀻𑀢𑀺 𑀅𑀥𑀺𑀧𑁆𑀧𑀸𑀬𑁄. ‘‘𑀅𑀥𑀺𑀫𑀸𑀦𑀺𑀓𑀸𑀦’’𑀦𑁆𑀢𑀺 𑀇𑀤𑀁 𑀪𑀽𑀢𑀧𑀼𑀩𑁆𑀩𑀕𑀢𑀺𑀬𑀸 𑀯𑀼𑀢𑁆𑀢𑀦𑁆𑀢𑀺 𑀆𑀳 ‘‘𑀅𑀥𑀺𑀫𑀸𑀦𑀺𑀓𑀧𑀼𑀩𑁆𑀩𑀸 𑀅𑀥𑀺𑀧𑁆𑀧𑁂𑀢𑀸 𑀲𑀺𑀬𑀼’’𑀦𑁆𑀢𑀺.

𑁩𑁦𑁮. 𑀬𑀁 𑀯𑀺𑀫𑀢𑀺𑀕𑀸𑀳𑀓𑀸𑀭𑀡𑀁 𑀯𑀼𑀘𑁆𑀘𑀫𑀸𑀦𑀁, 𑀢𑀁 ‘‘𑀳𑀦𑁆𑀤 𑀳𑀻’’𑀢𑀺 𑀧𑀭𑀁 𑀚𑁄𑀢𑁂𑀢𑀻𑀢𑀺 𑀅𑀥𑀺𑀧𑁆𑀧𑀸𑀬𑁂𑀦𑀸𑀳 ‘‘𑀓𑀸𑀭𑀡𑀢𑁆𑀣𑁂𑀢𑀺 𑀬𑀼𑀢𑁆𑀢’’𑀦𑁆𑀢𑀺. 𑀯𑀺𑀫𑀢𑀺𑀕𑀸𑀳𑀲𑁆𑀲 𑀧𑀦 𑀦𑀺𑀘𑁆𑀙𑀺𑀢𑀢𑀁 ‘‘𑀳𑀦𑁆𑀤 𑀳𑀻’’𑀢𑀺 𑀧𑀭𑀁 𑀚𑁄𑀢𑁂𑀢𑀻𑀢𑀺 𑀯𑀼𑀢𑁆𑀢𑀁 ‘‘𑀯𑀘𑀲𑀸𑀬𑀢𑁆𑀣𑁂’’𑀢𑀺.

𑀧𑀭𑀽𑀧𑀳𑀸𑀭𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.