𑁫-𑁭. 𑀢𑀺𑀲𑁆𑀲𑁄𑀧𑀺𑀓𑀣𑀸𑀯𑀡𑁆𑀡𑀦𑀸

𑁮𑁯𑁮-𑁯𑁦𑁦. 𑀅𑀭𑀳𑀢𑁆𑀢𑀧𑁆𑀧𑀢𑁆𑀢𑀺𑀧𑀺 𑀕𑀩𑁆𑀪𑁂𑀬𑁂𑀯 𑀅𑀢𑁆𑀣𑀻𑀢𑀺 𑀫𑀜𑁆𑀜𑀢𑀺. 𑀲𑀢𑁆𑀢𑀯𑀲𑁆𑀲𑀺𑀓𑀸 𑀳𑀺 𑀲𑁄𑀧𑀸𑀓𑀲𑀸𑀫𑀡𑁂𑀭𑀸𑀤𑀬𑁄 𑀅𑀭𑀳𑀢𑁆𑀢𑀁 𑀧𑀢𑁆𑀢𑀸. 𑀲𑀢𑁆𑀢𑀯𑀲𑁆𑀲𑀺𑀓𑁄𑀧𑀺 𑀕𑀩𑁆𑀪𑁄 𑀅𑀢𑁆𑀣𑀻𑀢𑀺 𑀧𑀭𑀯𑀸𑀤𑀺𑀦𑁄 𑀅𑀥𑀺𑀧𑁆𑀧𑀸𑀬𑁄. 𑀆𑀓𑀸𑀲𑁂𑀦 𑀕𑀘𑁆𑀙𑀦𑁆𑀢𑁄 𑀯𑀺𑀬 𑀲𑀼𑀧𑀺𑀦𑀁 𑀆𑀓𑀸𑀲𑀲𑀼𑀧𑀺𑀦𑀁. 𑀢𑀁 𑀅𑀪𑀺𑀜𑁆𑀜𑀸𑀦𑀺𑀩𑁆𑀩𑀢𑁆𑀢𑀁 𑀫𑀜𑁆𑀜𑀢𑀻𑀢𑀺 𑀦𑀺𑀤𑀲𑁆𑀲𑀦𑀁 𑀓𑀢𑁆𑀯𑀸 𑀤𑀲𑁆𑀲𑁂𑀦𑁆𑀢𑁄 𑀆𑀳 ‘‘𑀆𑀓𑀸𑀲𑀕𑀫𑀦𑀸𑀤𑀺𑀅𑀪𑀺𑀜𑁆𑀜𑀸 𑀯𑀺𑀬𑀸’’𑀢𑀺. 𑀳𑁂𑀝𑁆𑀞𑀺𑀫𑀸𑀦𑀁 𑀘𑀢𑀼𑀦𑁆𑀦𑀁 𑀯𑀸 𑀫𑀕𑁆𑀕𑀸𑀦𑀁 𑀅𑀥𑀺𑀕𑀫𑁂𑀦 𑀥𑀫𑁆𑀫𑀸𑀪𑀺𑀲𑀫𑀬𑁄 𑀅𑀕𑁆𑀕𑀨𑀮𑀸𑀥𑀺𑀕𑀫𑁂𑀦 𑀅𑀭𑀳𑀢𑁆𑀢𑀧𑁆𑀧𑀢𑁆𑀢𑀺 𑀘 𑀲𑀼𑀧𑀺𑀦𑁂 𑀅𑀢𑁆𑀣𑀻𑀢𑀺 𑀫𑀜𑁆𑀜𑀢𑀻𑀢𑀺 𑀬𑁄𑀚𑀦𑀸.

𑀢𑀺𑀲𑁆𑀲𑁄𑀧𑀺𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.