𑁧𑁪. 𑀅𑀪𑀺𑀜𑁆𑀜𑀸𑀦𑀼𑀬𑁄𑀕𑀯𑀡𑁆𑀡𑀦𑀸

𑁧𑁯𑁩. 𑀯𑀺𑀓𑀼𑀩𑁆𑀩𑀢𑀻𑀢𑀺 𑀏𑀢𑁆𑀣 𑀇𑀢𑀺-𑀲𑀤𑁆𑀤𑁄 𑀆𑀤𑀺𑀅𑀢𑁆𑀣𑁄, 𑀧𑀓𑀸𑀭𑀢𑁆𑀣𑁄 𑀯𑀸. 𑀢𑁂𑀦 ‘‘𑀤𑀺𑀩𑁆𑀩𑀸𑀬 𑀲𑁄𑀢𑀥𑀸𑀢𑀼𑀬𑀸 𑀲𑀤𑁆𑀤𑀁 𑀲𑀼𑀡𑀸𑀢𑀻’’𑀢𑀺𑀆𑀤𑀺𑀓𑀁 𑀲𑀗𑁆𑀕𑀡𑁆𑀳𑀸𑀢𑀺. 𑀅𑀪𑀺𑀜𑁆𑀜𑀸𑀦𑀼𑀬𑁄𑀕𑁄 𑀤𑀝𑁆𑀞𑀩𑁆𑀩𑁄𑀢𑀺 𑀬𑁄𑀚𑀦𑀸. 𑀢𑀤𑀪𑀺𑀜𑁆𑀜𑀸𑀯𑀢𑁄𑀢𑀺 𑀆𑀲𑀯𑀓𑁆𑀔𑀬𑀸𑀪𑀺𑀜𑁆𑀜𑀸𑀯𑀢𑁄. 𑀅𑀭𑀳𑀢𑁄 𑀲𑀸𑀥𑀦𑀦𑁆𑀢𑀺 𑀅𑀭𑀳𑀢𑁄 𑀲𑀘𑁆𑀘𑀺𑀓𑀝𑁆𑀞𑀧𑀭𑀫𑀢𑁆𑀣𑁂𑀦 𑀧𑀼𑀕𑁆𑀕𑀮𑀢𑁆𑀢𑀸𑀪𑀸𑀯𑀲𑀸𑀥𑀦𑀁. 𑀢𑀩𑁆𑀪𑀸𑀯𑀲𑁆𑀲𑀸𑀢𑀺 𑀅𑀭𑀳𑀢𑁆𑀢𑀲𑁆𑀲. 𑀅𑀭𑀳𑀢𑁆𑀢𑀥𑀸𑀭𑀸𑀦𑀜𑁆𑀳𑀺 𑀔𑀦𑁆𑀥𑀸 𑀦𑀸𑀫 𑀧𑀼𑀕𑁆𑀕𑀮𑀢𑁆𑀢𑀁 𑀢𑀲𑁆𑀲𑀧𑀺 𑀳𑁄𑀢𑀻𑀢𑀺.

𑀅𑀪𑀺𑀜𑁆𑀜𑀸𑀦𑀼𑀬𑁄𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.