𑁫. 𑀢𑀣𑀢𑀸𑀓𑀣𑀸𑀯𑀡𑁆𑀡𑀦𑀸

𑁮𑁪𑁧-𑁮𑁪𑁩. 𑀭𑀽𑀧𑀸𑀤𑀻𑀦𑀁 𑀲𑀪𑀸𑀯𑀢𑀸𑀢𑀺 𑀏𑀢𑁂𑀦 𑀭𑀽𑀧𑀸𑀤𑀬𑁄 𑀏𑀯 𑀲𑀪𑀸𑀯𑀢𑀸𑀢𑀺 𑀇𑀫𑀫𑀢𑁆𑀣𑀁 𑀧𑀝𑀺𑀓𑁆𑀔𑀺𑀧𑀢𑀺. 𑀬𑀢𑁄 𑀢𑀁 𑀧𑀭𑀯𑀸𑀤𑀻 𑀭𑀽𑀧𑀸𑀤𑀻𑀲𑀼 𑀅𑀧𑀭𑀺𑀬𑀸𑀧𑀦𑁆𑀦𑀁 𑀇𑀘𑁆𑀙𑀢𑀺. 𑀢𑁂𑀦𑀸𑀳 ‘‘𑀪𑀸𑀯𑀁 𑀳𑁂𑀲 𑀢𑀣𑀢𑀸𑀢𑀺 𑀯𑀤𑀢𑀺, 𑀦 𑀪𑀸𑀯𑀬𑁄𑀕’’𑀦𑁆𑀢𑀺. 𑀢𑀢𑁆𑀣 𑀪𑀸𑀯𑀦𑁆𑀢𑀺 𑀥𑀫𑁆𑀫𑀫𑀢𑁆𑀢𑀁, 𑀧𑀓𑀢𑀻𑀢𑀺 𑀅𑀢𑁆𑀣𑁄 ‘‘𑀚𑀸𑀢𑀺𑀥𑀫𑁆𑀫’’𑀦𑁆𑀢𑀺𑀆𑀤𑀻𑀲𑀼 𑀯𑀺𑀬. 𑀭𑀽𑀧𑀸𑀤𑀻𑀦𑀜𑁆𑀳𑀺 𑀭𑀼𑀧𑁆𑀧𑀦𑀸𑀤𑀺𑀧𑀓𑀢𑀺 𑀢𑀣𑀸 𑀅𑀲𑀗𑁆𑀔𑀢𑀸𑀢𑀺 𑀘 𑀧𑀭𑀯𑀸𑀤𑀺𑀦𑁄 𑀮𑀤𑁆𑀥𑀺. 𑀢𑁂𑀦 𑀯𑀼𑀢𑁆𑀢𑀁 ‘‘𑀦 𑀪𑀸𑀯𑀬𑁄𑀕’’𑀦𑁆𑀢𑀺. 𑀬𑁂𑀦 𑀳𑀺 𑀪𑀸𑀯𑁄 𑀲𑀪𑀸𑀯𑀥𑀫𑁆𑀫𑁄 𑀬𑀼𑀚𑁆𑀚𑀢𑀺, 𑀏𑀓𑀻𑀪𑀸𑀯𑀫𑁂𑀯 𑀕𑀘𑁆𑀙𑀢𑀺, 𑀢𑀁 𑀭𑀼𑀧𑁆𑀧𑀦𑀸𑀤𑀺𑀮𑀓𑁆𑀔𑀡𑀁 𑀪𑀸𑀯𑀬𑁄𑀕𑁄. 𑀢𑀁 𑀧𑀦 𑀭𑀽𑀧𑀸𑀤𑀺𑀢𑁄 𑀅𑀦𑀜𑁆𑀜𑀁, 𑀢𑀢𑁄 𑀏𑀯 𑀲𑀗𑁆𑀔𑀢𑀁, 𑀅𑀯𑀺𑀧𑀭𑀻𑀢𑀝𑁆𑀞𑁂𑀦 𑀧𑀦 ‘‘𑀢𑀣’’𑀦𑁆𑀢𑀺 𑀯𑀼𑀘𑁆𑀘𑀢𑀺.

𑀢𑀣𑀢𑀸𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.