𑁨. 𑀲𑀼𑀜𑁆𑀜𑀢𑀓𑀣𑀸𑀯𑀡𑁆𑀡𑀦𑀸

𑁮𑁩𑁨. 𑀬𑁂𑀦 𑀅𑀯𑀲𑀯𑀢𑁆𑀢𑀦𑀝𑁆𑀞𑁂𑀦 𑀧𑀭𑀧𑀭𑀺𑀓𑀧𑁆𑀧𑀺𑀢𑁄 𑀦𑀢𑁆𑀣𑀺 𑀏𑀢𑁂𑀲𑀁 𑀅𑀢𑁆𑀢𑀦𑁄 𑀯𑀺𑀲𑀬𑀦𑁆𑀢𑀺 𑀅𑀦𑀢𑁆𑀢𑀸𑀢𑀺 𑀯𑀼𑀘𑁆𑀘𑀦𑁆𑀢𑀺 𑀲𑀪𑀸𑀯𑀥𑀫𑁆𑀫𑀸, 𑀲𑁆𑀯𑀸𑀬𑀁 𑀅𑀦𑀢𑁆𑀢𑀢𑀸𑀢𑀺 𑀆𑀳 ‘‘𑀅𑀯𑀲𑀯𑀢𑁆𑀢𑀦𑀸𑀓𑀸𑀭𑁄 𑀅𑀦𑀢𑁆𑀢𑀢𑀸’’𑀢𑀺. 𑀲𑀸 𑀧𑀦𑀸𑀬𑀁 𑀬𑀲𑁆𑀫𑀸 𑀅𑀢𑁆𑀣𑀢𑁄 𑀅𑀲𑀸𑀭𑀓𑀢𑀸𑀯 𑀳𑁄𑀢𑀺, 𑀢𑀲𑁆𑀫𑀸 𑀢𑀤𑁂𑀓𑀤𑁂𑀲𑁂𑀦 𑀢𑀁 𑀤𑀲𑁆𑀲𑁂𑀢𑀼𑀁 ‘‘𑀅𑀢𑁆𑀣𑀢𑁄 𑀚𑀭𑀸𑀫𑀭𑀡𑀫𑁂𑀯𑀸’’𑀢𑀺 𑀆𑀳. 𑀏𑀯𑀁 𑀲𑀢𑀺 𑀮𑀓𑁆𑀔𑀡𑀲𑀗𑁆𑀓𑀭𑁄 𑀲𑀺𑀬𑀸, 𑀢𑁂𑀲𑀁 𑀧𑀦𑀺𑀤𑀁 𑀅𑀥𑀺𑀧𑁆𑀧𑀸𑀬𑀓𑀺𑀢𑁆𑀢𑀦𑀦𑁆𑀢𑀺 𑀤𑀝𑁆𑀞𑀩𑁆𑀩𑀁. 𑀅𑀭𑀽𑀧𑀥𑀫𑁆𑀫𑀸𑀦𑀁 𑀅𑀯𑀲𑀯𑀢𑁆𑀢𑀦𑀸𑀓𑀸𑀭𑀢𑀸𑀬 𑀏𑀯 𑀳𑀺 𑀅𑀦𑀢𑁆𑀢𑀮𑀓𑁆𑀔𑀡𑀲𑁆𑀲 𑀲𑀗𑁆𑀔𑀸𑀭𑀓𑁆𑀔𑀦𑁆𑀥𑀧𑀭𑀺𑀬𑀸𑀧𑀦𑁆𑀦𑀢𑀸.

𑀲𑀼𑀜𑁆𑀜𑀢𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.