𑁧𑁧. 𑀤𑀓𑁆𑀔𑀺𑀡𑀸𑀯𑀺𑀲𑀼𑀤𑁆𑀥𑀺𑀓𑀣𑀸𑀯𑀡𑁆𑀡𑀦𑀸

𑁮𑁦𑁦-𑁮𑁦𑁧. 𑀧𑀝𑀺𑀕𑁆𑀕𑀸𑀳𑀓𑀦𑀺𑀭𑀧𑁂𑀓𑁆𑀔𑀸𑀢𑀺 𑀧𑀝𑀺𑀕𑁆𑀕𑀸𑀳𑀓𑀲𑁆𑀲 𑀕𑀼𑀡𑀯𑀺𑀲𑁂𑀲𑀦𑀺𑀭𑀧𑁂𑀓𑁆𑀔𑀸, 𑀢𑀲𑁆𑀲 𑀤𑀓𑁆𑀔𑀺𑀡𑁂𑀬𑁆𑀬𑀪𑀸𑀯𑁂𑀦 𑀯𑀺𑀦𑀸𑀢𑀺 𑀅𑀢𑁆𑀣𑁄. 𑀢𑁂𑀦𑀸𑀳 ‘‘𑀧𑀝𑀺𑀕𑁆𑀕𑀸𑀳𑀓𑁂𑀦 𑀧𑀘𑁆𑀘𑀬𑀪𑀽𑀢𑁂𑀦 𑀯𑀺𑀦𑀸’’𑀢𑀺. 𑀲𑀘𑁆𑀘𑀫𑁂𑀢𑀦𑁆𑀢𑀺 𑀮𑀤𑁆𑀥𑀺𑀓𑀺𑀢𑁆𑀢𑀦𑁂𑀦 𑀯𑀼𑀢𑁆𑀢𑀪𑀸𑀯𑀫𑁂𑀯 𑀧𑀝𑀺𑀚𑀸𑀦𑀸𑀢𑀺. 𑀧𑀝𑀺𑀕𑁆𑀕𑀸𑀳𑀓𑀲𑁆𑀲 𑀯𑀺𑀧𑀸𑀓𑀦𑀺𑀩𑁆𑀩𑀢𑁆𑀢𑀦𑀁 𑀤𑀸𑀦𑀘𑁂𑀢𑀦𑀸𑀬 𑀫𑀳𑀸𑀨𑀮𑀢𑀸. 𑀧𑀘𑁆𑀘𑀬𑀪𑀸𑀯𑁄𑀬𑁂𑀯 𑀳𑀺 𑀢𑀲𑁆𑀲, 𑀦 𑀢𑀲𑁆𑀲𑀸 𑀓𑀸𑀭𑀡𑀢𑁆𑀢𑀁. 𑀢𑁂𑀦𑀸𑀳 ‘‘𑀤𑀸𑀦𑀘𑁂𑀢𑀦𑀸𑀦𑀺𑀩𑁆𑀩𑀢𑁆𑀢𑀦𑁂𑀦 𑀬𑀤𑀺 𑀪𑀯𑁂𑀬𑁆𑀬𑀸’’𑀢𑀺𑀆𑀤𑀺.

𑀤𑀓𑁆𑀔𑀺𑀡𑀸𑀯𑀺𑀲𑀼𑀤𑁆𑀥𑀺𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀲𑀢𑁆𑀢𑀭𑀲𑀫𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.