𑁯. 𑀅𑀧𑀭𑀺𑀬𑀸𑀧𑀦𑁆𑀦𑀓𑀣𑀸𑀯𑀡𑁆𑀡𑀦𑀸

𑁭𑁦𑁯-𑁭𑁧𑁦. 𑀢𑀲𑁆𑀫𑀸 𑀤𑀺𑀝𑁆𑀞𑀺 𑀮𑁄𑀓𑀺𑀬𑀧𑀭𑀺𑀬𑀸𑀧𑀦𑁆𑀦𑀸 𑀦 𑀳𑁄𑀢𑀻𑀢𑀺 𑀅𑀢𑁆𑀣𑀁 𑀯𑀤𑀦𑁆𑀢𑀺, 𑀏𑀯𑀁 𑀲𑀢𑀺 𑀅𑀢𑀺𑀧𑁆𑀧𑀲𑀗𑁆𑀕𑁄 𑀳𑁄𑀢𑀺 𑀯𑀻𑀢𑀤𑁄𑀲𑀸𑀤𑀺𑀯𑁄𑀳𑀸𑀭𑀪𑀸𑀯𑀢𑁄𑀢𑀺. 𑀢𑀢𑁄 𑀅𑀜𑁆𑀜𑀣𑀸 𑀅𑀢𑁆𑀣𑀁 𑀯𑀤𑀦𑁆𑀢𑁄 ‘‘𑀭𑀽𑀧𑀤𑀺𑀝𑁆𑀞𑀺𑀬𑀸’’𑀢𑀺𑀆𑀤𑀺𑀫𑀸𑀳. 𑀢𑀢𑁆𑀣 𑀆𑀤𑀺-𑀲𑀤𑁆𑀤𑁂𑀦 𑀅𑀭𑀽𑀧𑀤𑀺𑀝𑁆𑀞𑀺𑀆𑀤𑀺𑀁 𑀲𑀗𑁆𑀕𑀡𑁆𑀳𑀸𑀢𑀺. 𑀧𑀭𑀯𑀸𑀤𑀺𑀅𑀥𑀺𑀧𑁆𑀧𑀸𑀬𑀯𑀲𑁂𑀦 𑀅𑀬𑀫𑀢𑁆𑀣𑀯𑀺𑀪𑀸𑀯𑀦𑀸𑀢𑀺 𑀆𑀳 ‘‘𑀬𑀤𑀺 𑀘 𑀧𑀭𑀺𑀬𑀸𑀧𑀦𑁆𑀦𑀸 𑀲𑀺𑀬𑀸’’𑀢𑀺. 𑀢𑀣𑀸 𑀘 𑀲𑀢𑀻𑀢𑀺 𑀤𑀺𑀝𑁆𑀞𑀺𑀬𑀸 𑀓𑀸𑀫𑀥𑀸𑀢𑀼𑀧𑀭𑀺𑀬𑀸𑀧𑀦𑁆𑀦𑀢𑁆𑀢𑁂 𑀲𑀢𑀻𑀢𑀺 𑀅𑀢𑁆𑀣𑁄. 𑀢𑀲𑁆𑀫𑀸𑀢𑀺 ‘‘𑀯𑀻𑀢𑀤𑀺𑀝𑁆𑀞𑀺𑀓𑁄’’𑀢𑀺 𑀏𑀯𑀁 𑀯𑁄𑀳𑀸𑀭𑀸𑀪𑀸𑀯𑀢𑁄. 𑀦 𑀳𑀺 𑀲𑀸 𑀢𑀲𑁆𑀲 𑀅𑀯𑀺𑀕𑀢𑀸 𑀤𑀺𑀝𑁆𑀞𑀺, 𑀬𑀢𑁄 𑀲𑁄 𑀯𑀻𑀢𑀤𑀺𑀝𑁆𑀞𑀺𑀓𑁄𑀢𑀺 𑀦 𑀯𑀼𑀘𑁆𑀘𑀢𑀺. 𑀬𑁂𑀦𑀸𑀢𑀺 𑀓𑀸𑀫𑀤𑀺𑀝𑁆𑀞𑀺𑀪𑀸𑀯𑁂𑀦.

𑀅𑀧𑀭𑀺𑀬𑀸𑀧𑀦𑁆𑀦𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀘𑀼𑀤𑁆𑀤𑀲𑀫𑀯𑀕𑁆𑀕𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.