𑁧. 𑀆𑀦𑀺𑀲𑀁𑀲𑀤𑀲𑁆𑀲𑀸𑀯𑀻𑀓𑀣𑀸𑀯𑀡𑁆𑀡𑀦𑀸

𑁫𑁪𑁭. 𑀤𑀝𑁆𑀞𑀩𑁆𑀩𑀲𑁆𑀲 𑀆𑀤𑀻𑀦𑀯𑀢𑁄 𑀆𑀦𑀺𑀲𑀁𑀲𑀢𑁄 𑀘 𑀬𑀤𑀺𑀧𑀺 𑀧𑀭𑀯𑀸𑀤𑀺𑀦𑀸 𑀧𑀘𑁆𑀙𑀸 𑀦𑀸𑀦𑀸𑀘𑀺𑀢𑁆𑀢𑀯𑀲𑁂𑀦 𑀧𑀝𑀺𑀜𑁆𑀜𑀸𑀢𑀁, 𑀧𑀼𑀩𑁆𑀩𑁂 𑀧𑀦 𑀏𑀓𑀢𑁄 𑀓𑀢𑁆𑀯𑀸 𑀧𑀝𑀺𑀚𑀸𑀦𑀺, 𑀦 𑀘 𑀢𑀁 𑀮𑀤𑁆𑀥𑀺𑀁 𑀧𑀭𑀺𑀘𑁆𑀘𑀚𑀺. 𑀢𑁂𑀦𑀲𑁆𑀲 𑀅𑀥𑀺𑀧𑁆𑀧𑀸𑀬𑀫𑀤𑁆𑀤𑀦𑀁 𑀬𑀼𑀢𑁆𑀢𑀦𑁆𑀢𑀺 𑀤𑀝𑁆𑀞𑀩𑁆𑀩𑀁. 𑀢𑁂𑀦𑁂𑀯𑀸𑀳 ‘‘𑀅𑀦𑀺𑀘𑁆𑀘…𑀧𑁂… 𑀧𑀝𑀺𑀜𑁆𑀜𑀸𑀢𑀢𑁆𑀢𑀸’’𑀢𑀺. 𑀆𑀭𑀫𑁆𑀫𑀡𑀯𑀲𑁂𑀦𑀸𑀢𑀺 𑀆𑀭𑀫𑁆𑀫𑀡𑀓𑀭𑀡𑀯𑀲𑁂𑀦, 𑀦 𑀓𑀺𑀘𑁆𑀘𑀦𑀺𑀧𑁆𑀨𑀢𑁆𑀢𑀺𑀯𑀲𑁂𑀦𑀸𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀇𑀤𑀁 𑀆𑀦𑀺𑀲𑀁𑀲𑀓𑀣𑀸𑀦𑀼𑀬𑀼𑀜𑁆𑀚𑀦𑀁 𑀆𑀦𑀺𑀲𑀁𑀲𑀤𑀲𑁆𑀲𑀦𑀜𑁆𑀘. 𑀜𑀸𑀡𑀁 𑀯𑀺𑀧𑀲𑁆𑀲𑀦𑀸 𑀧𑀝𑀺𑀯𑁂𑀥𑀜𑀸𑀡𑀲𑁆𑀲 𑀯𑀺𑀬 𑀅𑀦𑀼𑀩𑁄𑀥𑀜𑀸𑀡𑀲𑁆𑀲𑀧𑀺 𑀬𑀣𑀸𑀭𑀳𑀁 𑀧𑀯𑀢𑁆𑀢𑀺𑀦𑀺𑀯𑀢𑁆𑀢𑀻𑀲𑀼 𑀓𑀺𑀘𑁆𑀘𑀓𑀭𑀡𑀁 𑀬𑀼𑀢𑁆𑀢𑀦𑁆𑀢𑀺 𑀅𑀥𑀺𑀧𑁆𑀧𑀸𑀬𑁄.

𑀆𑀦𑀺𑀲𑀁𑀲𑀤𑀲𑁆𑀲𑀸𑀯𑀻𑀓𑀣𑀸𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.