𑁨. 𑀧𑀘𑁆𑀘𑀦𑀻𑀓𑀸𑀦𑀼𑀮𑁄𑀫𑀯𑀡𑁆𑀡𑀦𑀸

𑁭-𑁧𑁦. 𑀅𑀜𑁆𑀜𑁂𑀦𑀸𑀢𑀺 𑀲𑀫𑁆𑀫𑀼𑀢𑀺𑀲𑀘𑁆𑀘𑀪𑀽𑀢𑁂𑀦. 𑀧𑀭𑀲𑁆𑀲𑀸𑀢𑀺 𑀲𑀓𑀯𑀸𑀤𑀺𑀦𑁄. 𑀲𑁄 𑀳𑀺 𑀧𑀭𑀯𑀸𑀤𑀺𑀦𑀸 𑀧𑀭𑁄 𑀦𑀸𑀫 𑀳𑁄𑀢𑀺. 𑀧𑀝𑀺𑀜𑁆𑀜𑀸𑀧𑀝𑀺𑀓𑁆𑀔𑁂𑀧𑀸𑀦𑀁 𑀪𑀺𑀦𑁆𑀦𑀯𑀺𑀲𑀬𑀢𑁆𑀢𑀸 ‘‘𑀅𑀯𑀺𑀭𑁄𑀥𑀺𑀢𑀢𑁆𑀢𑀸’’𑀢𑀺 𑀯𑀼𑀢𑁆𑀢𑀁. 𑀅𑀪𑀺𑀦𑁆𑀦𑀸𑀥𑀺𑀓𑀭𑀡𑀁 𑀯𑀺𑀬 𑀳𑀺 𑀅𑀪𑀺𑀦𑁆𑀦𑀯𑀺𑀲𑀬𑀫𑁂𑀯 𑀯𑀺𑀭𑀼𑀤𑁆𑀥𑀁 𑀦𑀸𑀫 𑀲𑀺𑀬𑀸, 𑀦 𑀇𑀢𑀭𑀦𑁆𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀢𑀫𑁂𑀯𑀢𑁆𑀣𑀁 𑀯𑀺𑀪𑀸𑀯𑁂𑀢𑀼𑀁 ‘‘𑀦 𑀳𑀺…𑀧𑁂… 𑀆𑀧𑀚𑁆𑀚𑀢𑀻’’𑀢𑀺 𑀆𑀳. 𑀬𑀤𑀺 𑀏𑀯𑀁 𑀓𑀣𑀫𑀺𑀤𑀁 𑀦𑀺𑀕𑁆𑀕𑀳𑀝𑁆𑀞𑀸𑀦𑀁 𑀚𑀸𑀢𑀦𑁆𑀢𑀺 𑀆𑀳 ‘‘𑀅𑀢𑁆𑀢𑀦𑁄 𑀧𑀦𑀸’’𑀢𑀺𑀆𑀤𑀺. 𑀢𑁂𑀦 𑀧𑀝𑀺𑀜𑁆𑀜𑀸𑀦𑁆𑀢𑀭𑀁 𑀦𑀸𑀫 𑀅𑀜𑁆𑀜𑀫𑁂𑀯𑁂𑀢𑀁 𑀦𑀺𑀕𑁆𑀕𑀳𑀝𑁆𑀞𑀸𑀦𑀦𑁆𑀢𑀺 𑀤𑀲𑁆𑀲𑁂𑀢𑀺.

𑀧𑀘𑁆𑀘𑀦𑀻𑀓𑀸𑀦𑀼𑀮𑁄𑀫𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.

𑀲𑀼𑀤𑁆𑀥𑀲𑀘𑁆𑀘𑀺𑀓𑀝𑁆𑀞𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.