𑀯𑀺𑀦𑀬𑀯𑀺𑀦𑀺𑀘𑁆𑀙𑀬𑁄

𑀕𑀦𑁆𑀣𑀸𑀭𑀫𑁆𑀪𑀓𑀣𑀸

𑁧. 𑀯𑀦𑁆𑀤𑀺𑀢𑁆𑀯𑀸 𑀲𑀺𑀭𑀲𑀸 𑀲𑁂𑀝𑁆𑀞𑀁, 𑀩𑀼𑀤𑁆𑀥𑀫𑀧𑁆𑀧𑀝𑀺𑀧𑀼𑀕𑁆𑀕𑀮𑀁;

𑀪𑀯𑀸𑀪𑀸𑀯𑀓𑀭𑀁 𑀥𑀫𑁆𑀫𑀁, 𑀕𑀡𑀜𑁆𑀘𑁂𑀯 𑀦𑀺𑀭𑀗𑁆𑀕𑀡𑀁.

𑁨. 𑀪𑀺𑀓𑁆𑀔𑀽𑀦𑀁 𑀪𑀺𑀓𑁆𑀔𑀼𑀦𑀻𑀦𑀜𑁆𑀘, 𑀳𑀺𑀢𑀢𑁆𑀣𑀸𑀬 𑀲𑀫𑀸𑀳𑀺𑀢𑁄;

𑀧𑀯𑀓𑁆𑀔𑀸𑀫𑀺 𑀲𑀫𑀸𑀲𑁂𑀦, 𑀯𑀺𑀦𑀬𑀲𑁆𑀲𑀯𑀺𑀦𑀺𑀘𑁆𑀙𑀬𑀁.

𑁩. 𑀅𑀦𑀸𑀓𑀼𑀮𑀫𑀲𑀁𑀓𑀺𑀡𑁆𑀡𑀁, 𑀫𑀥𑀼𑀭𑀢𑁆𑀣𑀧𑀤𑀓𑁆𑀓𑀫𑀁;

𑀧𑀝𑀼𑀪𑀸𑀯𑀓𑀭𑀁 𑀏𑀢𑀁, 𑀧𑀭𑀫𑀁 𑀯𑀺𑀦𑀬𑀓𑁆𑀓𑀫𑁂.

𑁪. 𑀅𑀧𑀸𑀭𑀁 𑀑𑀢𑀭𑀦𑁆𑀢𑀸𑀦𑀁, 𑀲𑀸𑀭𑀁 𑀯𑀺𑀦𑀬𑀲𑀸𑀕𑀭𑀁;

𑀪𑀺𑀓𑁆𑀔𑀽𑀦𑀁 𑀪𑀺𑀓𑁆𑀔𑀼𑀦𑀻𑀦𑀜𑁆𑀘, 𑀦𑀸𑀯𑀸𑀪𑀽𑀢𑀁 𑀫𑀦𑁄𑀭𑀫𑀁.

𑁫. 𑀢𑀲𑁆𑀫𑀸 𑀯𑀺𑀦𑀬𑀦𑀽𑀧𑀸𑀬𑀁, 𑀯𑀺𑀦𑀬𑀲𑁆𑀲𑀯𑀺𑀦𑀺𑀘𑁆𑀙𑀬𑀁;

𑀅𑀯𑀺𑀓𑁆𑀔𑀺𑀢𑁆𑀢𑁂𑀦 𑀘𑀺𑀢𑁆𑀢𑁂𑀦, 𑀯𑀤𑀢𑁄 𑀫𑁂 𑀦𑀺𑀩𑁄𑀥𑀣.