𑀘𑁄𑀤𑀦𑀸𑀓𑀡𑁆𑀟𑀁

𑀅𑀦𑀼𑀯𑀺𑀚𑁆𑀚𑀓𑀓𑀺𑀘𑁆𑀘𑀯𑀡𑁆𑀡𑀦𑀸

𑁩𑁬𑁦. 𑀧𑀸𑀴𑀺𑀬𑀁 𑀬𑀁 𑀔𑁄 𑀢𑁆𑀯𑀦𑁆𑀢𑀺𑀆𑀤𑀻𑀲𑀼 𑀢𑁆𑀯𑀁, 𑀆𑀯𑀼𑀲𑁄, 𑀬𑀁 𑀇𑀫𑀁 𑀪𑀺𑀓𑁆𑀔𑀼𑀁 𑀘𑁄𑀤𑁂𑀲𑀺, 𑀢𑀁 𑀓𑀺𑀫𑁆𑀳𑀺 𑀤𑁄𑀲𑁂 𑀘𑁄𑀤𑁂𑀲𑀺, 𑀓𑀢𑀭𑀸𑀬 𑀯𑀺𑀧𑀢𑁆𑀢𑀺𑀬𑀸 𑀘𑁄𑀤𑁂𑀲𑀻𑀢𑀺 𑀅𑀢𑁆𑀣𑁄. 𑀏𑀯𑀁 𑀲𑀩𑁆𑀩𑀢𑁆𑀣.

𑁩𑁬𑁧. 𑀅𑀲𑀼𑀤𑁆𑀥𑀧𑀭𑀺𑀲𑀗𑁆𑀓𑀺𑀢𑁄𑀢𑀺 𑀅𑀲𑀼𑀤𑁆𑀥𑀸𑀬 𑀅𑀝𑁆𑀞𑀸𑀦𑁂 𑀉𑀧𑁆𑀧𑀦𑁆𑀦𑀸𑀬 𑀧𑀭𑀺𑀲𑀗𑁆𑀓𑀸𑀬 𑀧𑀭𑀺𑀲𑀗𑁆𑀓𑀺𑀢𑁄. 𑀢𑁂𑀦𑀸𑀳 ‘‘𑀅𑀫𑀽𑀮𑀓𑀧𑀭𑀺𑀲𑀗𑁆𑀓𑀺𑀢𑁄’’𑀢𑀺.

𑁩𑁬𑁪. 𑀧𑀸𑀴𑀺𑀬𑀁 𑀉𑀧𑁄𑀲𑀣𑁄 𑀲𑀸𑀫𑀕𑁆𑀕𑀢𑁆𑀣𑀸𑀬𑀸𑀢𑀺 𑀯𑀺𑀲𑀼𑀤𑁆𑀥𑀸𑀦𑀁 𑀪𑀺𑀓𑁆𑀔𑀽𑀦𑀁 𑀅𑀜𑁆𑀜𑁄𑀜𑁆𑀜𑀦𑀺𑀭𑀧𑁂𑀓𑁆𑀔𑁄 𑀅𑀳𑀼𑀢𑁆𑀯𑀸 𑀉𑀧𑁄𑀲𑀣𑁄 𑀉𑀧𑁄𑀲𑀣𑀝𑁆𑀞𑀸𑀦𑀁 𑀲𑀦𑁆𑀦𑀺𑀧𑀢𑀺𑀢𑁆𑀯𑀸 ‘‘𑀧𑀸𑀭𑀺𑀲𑀼𑀤𑁆𑀥𑀺𑀁 𑀆𑀬𑀲𑁆𑀫𑀦𑁆𑀢𑁄 𑀆𑀭𑁄𑀘𑁂𑀣, 𑀧𑀭𑀺𑀲𑀼𑀤𑁆𑀥𑁂𑀢𑁆𑀣𑀸𑀬𑀲𑁆𑀫𑀦𑁆𑀢𑁄, 𑀧𑀭𑀺𑀲𑀼𑀤𑁆𑀥𑁄 𑀅𑀳𑀁 𑀆𑀯𑀼𑀲𑁄’’𑀢𑀺𑀆𑀤𑀺𑀦𑀸 𑀅𑀜𑁆𑀜𑀫𑀜𑁆𑀜𑀁 𑀧𑀭𑀺𑀲𑀼𑀤𑁆𑀥𑀺𑀯𑀻𑀫𑀁𑀲𑀦𑀸𑀭𑁄𑀘𑀦𑀯𑀲𑁂𑀦 𑀅𑀬𑀼𑀢𑁆𑀢𑁂 𑀯𑀺𑀯𑀚𑁆𑀚𑁂𑀢𑁆𑀯𑀸 𑀬𑀼𑀢𑁆𑀢𑁂𑀳𑁂𑀯 𑀓𑀸𑀬𑀘𑀺𑀢𑁆𑀢𑀲𑀸𑀫𑀕𑁆𑀕𑀻𑀓𑀭𑀡𑀢𑁆𑀣𑀸𑀬.

𑀯𑀺𑀲𑀼𑀤𑁆𑀥𑀸𑀬 𑀧𑀯𑀸𑀭𑀡𑀸𑀢𑀺 𑀤𑀺𑀝𑁆𑀞𑀲𑀼𑀢𑀸𑀤𑀻𑀳𑀺 𑀅𑀜𑁆𑀜𑀫𑀜𑁆𑀜𑀁 𑀓𑀣𑀸𑀧𑁂𑀢𑁆𑀯𑀸 𑀯𑀺𑀲𑀼𑀤𑁆𑀥𑀺𑀲𑀫𑁆𑀧𑀸𑀤𑀦𑀢𑁆𑀣𑀸𑀬𑀸𑀢𑀺 𑀅𑀢𑁆𑀣𑁄. 𑀉𑀪𑁄 𑀏𑀢𑁂𑀢𑀺 𑀆𑀫𑀺𑀲𑀧𑀼𑀕𑁆𑀕𑀮𑀦𑀺𑀲𑁆𑀲𑀬𑀦𑁂 𑀏𑀢𑁂 𑀉𑀪𑁄.

𑀅𑀦𑀼𑀯𑀺𑀚𑁆𑀚𑀓𑀓𑀺𑀘𑁆𑀘𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.