𑁬. 𑀤𑀼𑀢𑀺𑀬𑀲𑀳𑀲𑁂𑀬𑁆𑀬𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁫𑁫. 𑀙𑀝𑁆𑀞𑁂 𑀫𑀸𑀢𑀼𑀕𑀸𑀫𑁂𑀦 𑀲𑀤𑁆𑀥𑀺𑀁 𑀘𑀢𑀼𑀢𑁆𑀣𑀤𑀺𑀯𑀲𑁂 𑀲𑀬𑀦𑁆𑀢𑀲𑁆𑀲𑀸𑀧𑀺 𑀇𑀫𑀺𑀦𑀸 𑀲𑀺𑀓𑁆𑀔𑀸𑀧𑀤𑁂𑀦 𑀏𑀓𑀸𑀯 𑀆𑀧𑀢𑁆𑀢𑀺. 𑀓𑁂𑀘𑀺 𑀧𑀦 𑀧𑀼𑀭𑀺𑀫𑀲𑀺𑀓𑁆𑀔𑀸𑀧𑀤𑁂𑀦𑀸𑀧𑀻𑀢𑀺 𑀤𑁆𑀯𑁂 𑀆𑀧𑀢𑁆𑀢𑀺𑀬𑁄 𑀯𑀤𑀦𑁆𑀢𑀺, 𑀢𑀁 𑀦 𑀬𑀼𑀢𑁆𑀢𑀁 ‘‘𑀅𑀦𑀼𑀧𑀲𑀫𑁆𑀧𑀦𑁆𑀦𑁂𑀦𑀸’’𑀢𑀺 𑀅𑀦𑀺𑀢𑁆𑀣𑀺𑀮𑀺𑀗𑁆𑀕𑁂𑀦 𑀯𑀼𑀢𑁆𑀢𑀢𑁆𑀢𑀸 𑀦𑀧𑀼𑀁𑀲𑀓𑁂𑀦 𑀧𑀦 𑀘𑀢𑀼𑀢𑁆𑀣𑀤𑀺𑀯𑀲𑁂 𑀲𑀬𑀦𑁆𑀢𑀲𑁆𑀲 𑀲𑀤𑀼𑀓𑁆𑀓𑀝𑀧𑀸𑀘𑀺𑀢𑁆𑀢𑀺𑀬𑀁 𑀯𑀢𑁆𑀢𑀼𑀁 𑀬𑀼𑀢𑁆𑀢𑀁. 𑀓𑀺𑀜𑁆𑀘𑀸𑀧𑁂𑀢𑁆𑀣 𑀧𑀸𑀴𑀺𑀬𑀁 𑀧𑀡𑁆𑀟𑀓𑀯𑀲𑁂𑀦𑁂𑀯 𑀤𑀼𑀓𑁆𑀓𑀝𑀁 𑀯𑀼𑀢𑁆𑀢𑀁, 𑀢𑀤𑀦𑀼𑀮𑁄𑀫𑀺𑀓𑀸 𑀧𑀦 𑀧𑀼𑀭𑀺𑀲𑀉𑀪𑀢𑁄𑀩𑁆𑀬𑀜𑁆𑀚𑀦𑀓𑁂𑀦 𑀲𑀳 𑀲𑀬𑀦𑁆𑀢𑀲𑁆𑀲 𑀇𑀫𑀺𑀦𑀸 𑀤𑀼𑀓𑁆𑀓𑀝𑀁, 𑀧𑀼𑀭𑀺𑀫𑁂𑀦 𑀘𑀢𑀼𑀢𑁆𑀣𑀤𑀺𑀯𑀲𑁂 𑀲𑀤𑀼𑀓𑁆𑀓𑀝𑀧𑀸𑀘𑀺𑀢𑁆𑀢𑀺𑀬𑀁. 𑀇𑀢𑁆𑀣𑀺𑀉𑀪𑀢𑁄𑀩𑁆𑀬𑀜𑁆𑀚𑀦𑀓𑁄 𑀇𑀢𑁆𑀣𑀺𑀕𑀢𑀺𑀓𑁄𑀯𑀸𑀢𑀺 𑀅𑀬𑀁 𑀅𑀫𑁆𑀳𑀸𑀓𑀁 𑀔𑀦𑁆𑀢𑀺. 𑀫𑀢𑀺𑀢𑁆𑀣𑀺𑀬𑀸 𑀅𑀦𑀸𑀧𑀢𑁆𑀢𑀻𑀢𑀺 𑀯𑀤𑀦𑁆𑀢𑀺. 𑀧𑀸𑀘𑀺𑀢𑁆𑀢𑀺𑀬𑀯𑀢𑁆𑀣𑀼𑀓𑀲𑁂𑀦𑀸𑀲𑀦𑀁, 𑀢𑀢𑁆𑀣 𑀫𑀸𑀢𑀼𑀕𑀸𑀫𑁂𑀦 𑀲𑀤𑁆𑀥𑀺𑀁 𑀦𑀺𑀧𑀚𑁆𑀚𑀦𑀁, 𑀲𑀽𑀭𑀺𑀬𑀢𑁆𑀣𑀗𑁆𑀕𑀫𑀦𑀦𑁆𑀢𑀺 𑀇𑀫𑀸𑀦𑁂𑀢𑁆𑀣 𑀢𑀻𑀡𑀺 𑀅𑀗𑁆𑀕𑀸𑀦𑀺.

𑀤𑀼𑀢𑀺𑀬𑀲𑀳𑀲𑁂𑀬𑁆𑀬𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.