𑁭. 𑀥𑀫𑁆𑀫𑀤𑁂𑀲𑀦𑀸𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸

𑁬𑁦. 𑀲𑀢𑁆𑀢𑀫𑁂 𑀦 𑀬𑀓𑁆𑀔𑁂𑀦𑀸𑀢𑀺𑀆𑀤𑀻𑀦𑀁 ‘‘𑀅𑀜𑁆𑀜𑀢𑁆𑀭 𑀯𑀺𑀜𑁆𑀜𑀼𑀦𑀸’’𑀢𑀺 𑀇𑀫𑀺𑀦𑀸 𑀲𑀫𑁆𑀩𑀦𑁆𑀥𑁄. 𑀅𑀜𑁆𑀜𑀢𑁆𑀭 𑀯𑀺𑀜𑁆𑀜𑀼𑀦𑀸 𑀧𑀼𑀭𑀺𑀲𑀯𑀺𑀕𑁆𑀕𑀳𑁂𑀦, 𑀦 𑀬𑀓𑁆𑀔𑀸𑀤𑀺𑀦𑀸𑀧𑀻𑀢𑀺 𑀏𑀯𑀫𑀢𑁆𑀣𑁄 𑀕𑀳𑁂𑀢𑀩𑁆𑀩𑁄𑀢𑀺 𑀅𑀥𑀺𑀧𑁆𑀧𑀸𑀬𑁄. 𑀢𑀸𑀤𑀺𑀲𑁂𑀦𑀧𑀺 𑀳𑀺 𑀲𑀳 𑀞𑀺𑀢𑀸𑀬 𑀤𑁂𑀲𑁂𑀢𑀼𑀁 𑀦 𑀯𑀝𑁆𑀝𑀢𑀺. 𑀢𑀁𑀢𑀁𑀤𑁂𑀲𑀪𑀸𑀲𑀸𑀬 𑀅𑀢𑁆𑀣𑀁 𑀬𑀣𑀸𑀭𑀼𑀘𑀺 𑀯𑀝𑁆𑀝𑀢𑀺 𑀏𑀯.

𑀇𑀭𑀺𑀬𑀸𑀧𑀣𑀸𑀧𑀭𑀺𑀯𑀢𑁆𑀢𑀦𑀁, 𑀧𑀼𑀭𑀺𑀲𑀁 𑀯𑀸 𑀤𑁆𑀯𑀸𑀤𑀲𑀳𑀢𑁆𑀣𑀽𑀧𑀘𑀸𑀭𑁂 𑀅𑀧𑀓𑁆𑀓𑁄𑀲𑀸𑀧𑀦𑀁 𑀏𑀢𑁆𑀣 𑀅𑀓𑀺𑀭𑀺𑀬𑀸. 𑀯𑀼𑀢𑁆𑀢𑀮𑀓𑁆𑀔𑀡𑀲𑁆𑀲 𑀥𑀫𑁆𑀫𑀲𑁆𑀲 𑀙𑀦𑁆𑀦𑀁 𑀯𑀸𑀘𑀸𑀦𑀁 𑀉𑀧𑀭𑀺 𑀤𑁂𑀲𑀦𑀸, 𑀯𑀼𑀢𑁆𑀢𑀮𑀓𑁆𑀔𑀡𑁄 𑀫𑀸𑀢𑀼𑀕𑀸𑀫𑁄, 𑀇𑀭𑀺𑀬𑀸𑀧𑀣𑀧𑀅𑀯𑀢𑁆𑀢𑀦𑀸𑀪𑀸𑀯𑁄, 𑀯𑀺𑀜𑁆𑀜𑀽𑀧𑀼𑀭𑀺𑀲𑀸𑀪𑀸𑀯𑁄, 𑀅𑀧𑀜𑁆𑀳𑀯𑀺𑀲𑁆𑀲𑀚𑁆𑀚𑀦𑀸𑀢𑀺 𑀇𑀫𑀸𑀦𑁂𑀢𑁆𑀣 𑀧𑀜𑁆𑀘 𑀅𑀗𑁆𑀕𑀸𑀦𑀺.

𑀥𑀫𑁆𑀫𑀤𑁂𑀲𑀦𑀸𑀲𑀺𑀓𑁆𑀔𑀸𑀧𑀤𑀯𑀡𑁆𑀡𑀦𑀸 𑀦𑀺𑀝𑁆𑀞𑀺𑀢𑀸.