𑁬. 𑀧𑀞𑀫𑀯𑀺𑀪𑀗𑁆𑀕𑀲𑀼𑀢𑁆𑀢𑀯𑀡𑁆𑀡𑀦𑀸

𑁫𑁦𑁬. 𑀓𑀸𑀬𑀺𑀓𑀦𑁆𑀢𑀺 𑀅𑀬𑀫𑀲𑁆𑀲 𑀦𑀺𑀲𑁆𑀲𑀬𑀯𑀲𑁂𑀦 𑀦𑀺𑀤𑁆𑀤𑁂𑀲𑁄𑀢𑀺 𑀆𑀳 𑁋 ‘‘𑀓𑀸𑀬𑀧𑀲𑀸𑀤𑀯𑀢𑁆𑀣𑀼𑀓’’𑀦𑁆𑀢𑀺. 𑀲𑀭𑀽𑀧𑀦𑀺𑀤𑁆𑀤𑁂𑀲𑁄 𑀲𑀼𑀔𑀁 𑀲𑀼𑀔𑀺𑀦𑁆𑀤𑁆𑀭𑀺𑀬𑀲𑁆𑀲 𑀲𑀭𑀽𑀧𑀦𑁆𑀢𑀺. 𑀲𑀸𑀤𑀦𑀻𑀬𑀝𑁆𑀞𑁂𑀦 𑀥𑀫𑁆𑀫𑀧𑀤𑀸𑀦𑀺 𑀅𑀢𑁆𑀢𑀦𑀺 𑀅𑀲𑁆𑀲𑀸𑀤𑀬𑀢𑀻𑀢𑀺 𑀲𑀸𑀢𑀁, 𑀫𑀥𑀼𑀭𑀁. 𑀯𑁂𑀤𑀬𑀺𑀢𑀦𑁆𑀢𑀺 𑀯𑁂𑀤𑀺𑀬𑀦𑀁, 𑀅𑀦𑀼𑀪𑀯𑀦𑀦𑁆𑀢𑀺 𑀅𑀢𑁆𑀣𑁄. 𑀅𑀜𑁆𑀜𑀥𑀫𑁆𑀫𑀯𑀺𑀲𑀺𑀝𑁆𑀞𑁄𑀢𑀺 𑀨𑀲𑁆𑀲𑀸𑀤𑀻𑀳𑀺 𑀅𑀜𑁆𑀜𑁂𑀳𑀺 𑀥𑀫𑁆𑀫𑁂𑀳𑀺 𑀯𑀺𑀲𑀤𑀺𑀲𑁄. 𑀓𑀸𑀬𑀺𑀓𑀦𑁆𑀢𑀺 𑀧𑀲𑀸𑀤𑀓𑀸𑀬𑀲𑀦𑁆𑀦𑀺𑀲𑁆𑀲𑀺𑀢𑀁. 𑀘𑁂𑀢𑀲𑀺𑀓𑀦𑁆𑀢𑀺 𑀘𑁂𑀢𑁄𑀲𑀦𑁆𑀦𑀺𑀲𑁆𑀲𑀺𑀢𑀁, 𑀢𑁂𑀦 𑀯𑀼𑀢𑁆𑀢𑀁 ‘‘𑀏𑀢𑁆𑀣 𑀧𑀦𑀸’’𑀢𑀺𑀆𑀤𑀺. 𑀓𑀸𑀬𑀧𑀲𑀸𑀤…𑀧𑁂… 𑀦𑀢𑁆𑀣𑀺, 𑀢𑀲𑁆𑀫𑀸 ‘‘𑀘𑀢𑁆𑀢𑀸𑀭𑁄 𑀧𑀲𑀸𑀤𑀓𑀸𑀬𑁂 𑀯𑀢𑁆𑀣𑀼𑀁 𑀓𑀢𑁆𑀯𑀸’’𑀢𑀺 𑀯𑀼𑀢𑁆𑀢𑀁.